ريفيو فاونديشن ترو ماتش - Review Foundation L'oreal true match

Hello .. !

شخخبآرككم عسآكم بخير؟ 

 " فاونديشن لوريال ترو ماتش "

هالفاونديشن ماكنت حاطه في بالي اجربه نهائيا لاني اكره الفاونديشنات اللي بدون عصار 

اختلفت الآراء على هالفاونديشن في وايد بنات ماعجبهم و في بنات وايد عجبهم بالاخير اكيد كل واحد له رايه الخاص بالمختصر رايي ( حبيته ) بس اكيد بعطيكم تفاصيل اكثر ، 

مثل ما قلت لكم حبيته وايد 

الفاونديشن قوامه سائل جدا خفيف على البشره ماتحسينه هذا اللي يكون ثقييييل تحسين ويهج مايتنفس لا هذا جداا خفيف و تغطيته متوسطه لفل كفر  

الحلو فيه انه في منه وايد درجات وفي منه للاندرتون البارد و الدافي و الطبيعي 

 حلو للاستخدام اليومي و الطلعات الخفيفه 

انا بشرتي مختلطه عندي منطقة التي زون تدهن احط لوز بودر على هالمنطقه يدهن 

بس خفيف بس مع ذلك حبيته وايد 

:( الشي اللي ماحبيته عدم وجود عصار في هالفاونديشن 

لانه جذي تطلع كميه كبيره من الفاونديشن و هو حجمه صغير 

البنات اللي ماجربوه و اكيد لما تشوفين احد ييمدح و احد يذم يصير ودج تجربينه
جربوه ترا سعره مقارنه بباقي الفاونديشنات وايد رخيص سعره ولا شي 

درجتي 

اعطيه 9 من 10  بس لان مافيه عصار 

انا جدا متوفقه مع لوريال جربت بعد من لوريال الفاونديشن الثاني ترو ماتش ذا فاونديشن 

وايد عجبني و ان شاء الله اجرب لومي 

Leave a Comment Makeup