ريفيو : كريم معالج سريع لتشققات الرجل

Hello .. !

شخخبآرككم عسآكم بخير؟ 

هالمره طولت على مانزلت هالتدوينه ادري  بس ماحبيت ابخل عليكم 

بهذا المنتج الجمييل صراحه مفعوله جدا جمييل

 . . .

يت فتره كنت مهمله ريولي بشكل ليما صارت لي تشققات بشعه 

 و جفاف مزعج و ريولي صارت خششنه  . .

المهم بديت ادور حل سريع لاني من النوع اللي مستحيل اصبر على شي

ما اقدر التزم بشي علشان يعطيني نتيجه  

. .

خذيت هالمرطب كريم اسمه " كراك " لاكن بنفس الوقت له اكثر من وظيفه 

يعني يعالج كعب الريول من التشققات و يرطبها وينعمها من اول استعمال بتحسين ريولج تحسنت 

يشيل التشققات اللي بالريول بس طبعا التزمي فيه على الاقل اسبوع عشان تشوفين الفرق 

اول خطوه سويتها نظفت ريولي من الجلد الميت و سويت لها سكرب بعدين بديت استخدمه 

طريقة استخدامه : 

تغسلين ريولج بماي فاتر بعدين تجففينها وتدهنينها بالكريم 

تخلينه لمدة 15 دقيقه انا بعد هالخطوه احط كيس و البس دلاغ لانه الدلاغ يصير اصفر :/

 اذا ماحطيتي كيس  تقدرون تستبدلونه بالقصدير الشفاف مادري شتسمونه انتو 

المهم و احاول اخليه لفتره طويله استخدميه كثر ماتقدرين بتشوفين الفرق على ريولج 

انصحكم فيه و بشده خذيته من الصيدليه ب 7 دراهم 

خلصته و خذيت ثاني و اكيد لما يخلص برجع اشتري غيره 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Ask

http://ask.fm/fofti_

Instagram

http://instagram.com/fofti_

For Business Inquiries !

fofti.al@hotmail.com

Leave a Comment Care