Hello .. !
شخخبآرككم عسآكم بخير؟
" اتمنى كلكم تكونون بـ تمام الصحه و العافيه >>
E y e k o
. .
تواصلت معاي شركة eyeko و طرشو لي منتجات من ماركتهم ، هذي الشركه سمعت عنها من قبل صراحه بس ماجربت منها شي ، دايما اكثر شي يجذبني لهذا البراند مسكراتهم طريقتها حلوه يمكن تكون مكرره بس صراحه انا شخصيا ما شفت نفس شكلها من قبل بس حبيت شكلهم و ما صارت فرصه اجربهم وهذي فرصه اجربهم و اقولكم رايي فيهم ،
طبعا قبل لا اقبل يطرشون لي المنتجات انا قلت لهم اني بكتب رايي بكل صراحه فالمنتج سوا كان ايجابي او سلبي و ابدا ما ترددو وقالولي طبعا اكتبي رايج وخبرينا شو رايج فيهم ، ادري المنتجات وصلتني من اكثر من اسبوع بس ما حبيت استعيل و اكتب رايي من تجربه وحده جربتهم اكثر من مره عشان احكم عليهم عدل و اعطي رايي الشخصي فيهم . .
وصلتني 4 منتجات ايلاينر و مسكرا و ايشادو بلونين مختلفين و كلهم فل سايز شي جدا جميل ،
نبذه عن هالبراند بشكل بسييط :
تأسست في لندن عام 1999 ، و ركزت Eyeko على منتجات العيون فقط.
تم إنشائها من قبل جمال ماكس ونينا ليكند .
. . .
ببتدي بأول منتج
Eye Do Liquid Eyeliner
عندهم اكثر من نوع الايلاينر تقدرون تشوفونهم من موقعهم بتكلم عن الايلاينر اللي وصلني
انا صراحه دايما دايما افضل هالنوع من الايلاينر لانه اسهل شي وخصوصا للمبتدئات
الايلاينر شوي عريض يناسب اكثر شي الرسمات العريضه مثل " cat eye " الايلاينر قوامه سائل
مو مطفي و وتر بروف
zoom +
Black Magic Mascara
ثاني شي بتكلم عنه المسكرا " magic mascara " تي بلونين كحلي و اسود انا وصلتني باللون الاسود
. .
اهم شي في كل لوك الماسكرا ، الماسكرا عندي شي ضروري و اهم شي تكثف . .
هالمسكرا ماعطتني النتيجه اللي انا ابيها كل وحده تختلف رموشها من حيث الكثافه و الطول
النتيجه اللي انا ابيها ( الكثافه ) هل هي موجوده في هالمسكرا ؟ لا ماشفت كثافه
رموشي مثل ما هي بس حسيت سوادها خلا رموشي تبرز اكثر و طولتهم شوي هالمسكره فرشاتها مقوسه ف هي تساعد على عكف الرموش . .
اضافه حبيتها فالعلبه في قطعه صغيره على شكل لوقو الماركه علشان و انتي تحطين الماسكرا ما تتلفين اللوحه الفنيه اللي على عيونج خخخخ . . شوفو الصوره بتفهمون قصدي اكثر ،
و اخيرا خلصت الريفيو و هذا رايي فالمنتجات اتمنى استفدتوا ولو شوي . .
حبيت التغليف و اكثر منتجين حبيتهم الايلاينر و الشدو اما المسكره ماحبيتها لانها بس تطول
وانا احب المسكره اللي تعطيني كثافه مو معناته انها مو حلوه لا بس انا ما احتاج اطول رموشي احب اكثفهم لانهم خفاف ، اذا حابين تشوفون ريفيوات اجانب من موقعهم تقدرون تشوفون الريفيوات
للاسف مب متوفره عندنا هالماركه تلقونها عند التاجرات و تقدرون تطلبونها
من برا عن طريق موقعهم او من اي موقع ثاني مثل nordstrom
هذا موقعهم اذا حابين تشوفون باقي منتجاتهم الخاصه بالعيون . .
و ثالث منتج و الاخير
Me and My Shadow
هالمنتج عندهم منه 3 الوان طرشو لي لونين
. .
. . .
شدوات كريميه وتر بروف على شكل قلم فيه جهتين ، الجهه الاولى فيها فرشه علشان تدمجين اللون و الجهه الثانيه فيها الشدو الكريمي ، حلو حق السفر بس المشكله انه الوانه قليله بس 3 الوان عندهم تقدرين تسوين فيه سموكي و تقدرين تستخدمينه تكميلي مع شدوات ثانيه ، سهل التعامل معاه من حيث الدمج . . اللون الاول " charcoal " هاللون فيه شيمر و اللون واضح وقوي و اللون الثاني " taupe " حسيته شوي خفيف لاكن بعد واضح بس وضوحه اقل من charcoal
هذي الفرشاه اللي معاه موجوده فالقلم نفسه . .
وهذي طريقة استخدامه :
حبيت التغليف و اكثر منتجين حبيتهم الايلاينر و الشدو اما المسكره ماحبيتها لانها بس تطول
وانا احب المسكره اللي تعطيني كثافه مو معناته انها مو حلوه لا بس انا ما احتاج اطول رموشي احب اكثفهم لانهم خفاف ، اذا حابين تشوفون ريفيوات اجانب من موقعهم تقدرون تشوفون الريفيوات
للاسف مب متوفره عندنا هالماركه تلقونها عند التاجرات و تقدرون تطلبونها
من برا عن طريق موقعهم او من اي موقع ثاني مثل nordstrom
هذا موقعهم اذا حابين تشوفون باقي منتجاتهم الخاصه بالعيون . .
http://www.eyeko.com/
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Ask
http://ask.fm/fofti_
Instagram
http://instagram.com/fofti_
For Business Inquiries !
fofti.al@hotmail.com
0 comments:
Post a Comment