مشترياتي من دايسو

 السـلآآم عليــكم ورحمة الله و بـــركاآته ، 

شخخبآرككم عسآكم بخير؟ 

من فتره رحت دايسو ماكنت  حاطه في بالي شي بس اول مره ادخله 

 واخذ راحتي فيه بالعاده ادخل طيران اخذ شي معين و اطلع ؛

المهـم . . استغرب بعض الاحيان في بنات للحين مايعرفون محل دايسو - Daiso 

(( هو محل ياباني تقريبا في كل دول الخليج موجود هالمحل " الامارات ، الكويت ، السعوديه ، قطر ، البحرين " و من المحلات اللي شغلاتهم جدا رخيصه و حلوه وايد احب عندهم السلال ))

تقدرون تجيكون على اماكن تواجد دايسو في دولتكم من هالرابط 

http://www.daisome.com/locator.htm

وهذا موقعهم يصير تشترون اونلاين << احس ماله داعي تطلبون اونلاين بما انه متواجد كل مكان 

http://www.daisojapan.com

 > > > مشترياتي من دايسو < < <

خذيت هالعلبه في منها سلال و غلاف للكلينكس اتوقع عندي منه سلال 

بس بلون ثاني . . 

خذيت ثنتين بحط فيهم الاشيا اللي مالها مكان بنفس الوقت عشان اقدر اشوفهم و استخدمهم 

خذيت ثنتين مثلا بحط فيهم ( قلوسات - اكحال - تحاديد . . . ) 

شوفو هالصوره حطيت فيها كذا شغله  ، 

مب شرط للمكياج تقدرون تستخدمونها حق اي شي يعني مثلا بالمطبخ تقدرون تحطون فيها 

شوك او قفش او للرموت كنترول علشان لا يضيع . . 

. . 

ثاني شغله خذيت هالسله مفتوحه نفس الشي تقدرون تستخدمونها حق اي شي 

في منها الوان بس حجم واحد مافي اكبر منه ولا اصغر لون كان شوي اكبر افضل 

. . . 

وصلت عند ستاند المكياج صراحه مكياجهم مايجذبني اكيد تعرفون كيف ميكبهم 

في شفت ستاند الرموش وقفت عنده هذي اللحظه اللي تكون شو اخذ و شو اخلي 

ما خذيت وايد رموش قلت اجربهم اول اذا عيبوني باخذ غيرهم . . 

بعدين جذبني هالكيس ♥♥♥

الكيس شرات كيس فكتوريا سكرت وانا عشق مع فكتوريا و اللون الوردي 

على طول خذيته كان في وايد اكياس حلوه بس ماخذيت لاني ما احتاجهم بس كيوووت 

الاكياس وخصوصا في اكياس صغاااار جمييلين وفي بعد اكياس للهدايا بطريقه حلوه تنلف 

وايد حبيتهم بس ماخذيتهم << تحسفت 

ما قدرت اقاوم لا لون و لا شكل هالعلبه ( للصابون ) 

خذيت هالعلبه فاضيه اهي انتي تعبينها باللي تبينه انا خذيت ثنتين بعبيها بشور جل عندي مليت منه 

ف باقي شويه بخليه ف هالعلبه الصغيره لانه علبة الشور جل اللي عندي وايد كبييره خذيت وحده ثانيه بعد بشكل ثاني بس نسيت اصورها . .

شغله ثاانيه حبيتها هالقفازات لما تحطين خلطه لايدج تقدرين تستخدمينهم 

الكيس في 30 قفاز

قطن :)  

ههههههه ادري انه القطن موجود كل مكان بس مادري ليش خذيته  ترا يمكن يطلع حلو 

المهم و هذا اخخر شي خذذذيته عصي للاكل 

بغيت اكل فيه الاندومي تعبت و انا الحق الاندومي ولا قدرت امسكها استسلمت رديتها

مكانها وكليت بشوكه :) << ترا مشكله الواحد يوم يتفلسف ادري خخخ

وبس هذي كل مشترياتي 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Ask

http://ask.fm/fofti_

Instagram

http://instagram.com/fofti_

For Business Inquiries !

fofti.al@hotmail.com

Leave a Comment Haul