ريفيو : سنفرة بزبدة الشيا و سيروم العسل " Farm House Fresh "

Hello . !

شخخبآرككم ؟   

تكلمت من قبل عن منتج من منتجات فارم هاوس فريش وقلت لكم اني حجزت من اللي طلبت منها منتجين بعد للبنات اللي ماقروا الريفيو عن ماسك الككاو يقدرون يشوفونه من هني 

وللي مايعرفون ماركة " Farmhouse fresh "

ماركه امريكيه منتجاتها علاجيه و المكونات كلها طبيعيه و سريعة المفعول

و خاليه من السولفات ، 

صراحه ماكنت بتكلم عنهم لان اتوقع كل بنات الانستغرام تكلموا عنهم بس قلت زيادة الخير خيرين 

One Fine Day Flawless Face Polish

سنفره بزبدة الشيا . . من السنفرات اللي حبيتهم واايد ♥ 

تحتوي على فيتامينات و زبدة الشيا و زيوت طبيعيه تناسب كل البشرات 

ابدا ماتحسس البشره تزيل الطبقه الميته و تنعم البشره وتعطي لمعه حلوه للبشره 

Honey Heel Glaze

سيروم العسل . . هذا اول شي لازم تجربونه من هالماركه فعلا فعلااا يستاهل كل درهم تدفعينه فيه 

ينعممم كعب الريول من اول استخدام بتحسين فالنعومه حاولي تخلينه كثر ماتقدرين على ريولج

يعني لما تنامين حطي منه خليه شوي تتشربه الريول وبعدين لبسي دلاغ 

فالبدايه ماكنت حابه ريحته بس بعدين تعودت عليها ومعاه تيي هالفراشه اللي فالصوره 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Ask

http://ask.fm/fofti_

Instagram

http://instagram.com/fofti_

For Business Inquiries !

fofti.al@hotmail.com

Leave a Comment Care