Hello .. !
شخخبآرككم عسآكم بخير؟
اليوم كانت التدوينه المفروض تكون اطول من جذي لاكن بعد
ماتحمست و اشتطيت وطلعت الاشياء اللي بتكلم عنها صورت كذا منتج طفت الكام :)
و المفروض اني اشحنها و اكمل شغلي الا اني سحبت عليها و قعدت اطالع مسلسل وبعدها نمت
و يا في بالي اني الغي التدوينه و اسوي تدوينه غير عنها بس احترت صراحه في اي وحده ابدا :\
ومع ذلك ماتشجعون * من الاخر يعني * خخخ
المهم المنتج اللي بتكلم عنه عندي صورته من فتره اكيد مرت فتره و انا استخدمه و اقدر احكم عليه
(( Bepanthen ))
سبق و ذكرت فالموضوع انه مرطب eos سود لي شفايفي و فعلا قبل ماعندي سواد حوالين شفايفي !!
بعد ما استخدمت هالمرطب الحمدلله راح السواد حول الشفايف
اتوقع وايد بنات يعرفون هالمرطب بس للبنات اللي مايعرفونه ان شاء الله يفيدهم ،
هو عباره عن كريم مرطب و مجدد و مغذي سعره في متناول اليد جدا جدا جدا رخيصاكثر شي حبيته في هالمرطب ترطيبه عجييييييب البنات اللي تتشقق شفايفهم وايد لازم تجربونه ترطيبه مب مال ساعه لا ترطيبه يبقى مده طويله و هو مب بس للشفايف اي منطقه تحسينها جافه تقدرين تحطين منه مثلا اذا عندج منطقه مقشره . . و مثل ماقلت لكم كنت استخدم مرطب سود حوالي شفايفي وهذا رجع لي شفايفي نفس ماكانت وزياده عليه حسيت شفايفي افتح وافضل قبل لا ترطبين شفايفج تقشرينهم ، كيف اقشرهم !! في وايد منتجات لتقشير الشفايف من ماركات مختلفهمثل لاش - بودي شوف - Elf تقدرون تسون بروحكم مقشر ابسط ابسط ابسط شياذا ماعندج كل هالاشيا خذي فرشاة الاسنان وقشري فيها شفايفج و بعدين حطي المرطب
اللي بتقولي استخدمي فازلين انا اكره قوام الفازلين ثقيل ومادري ما اطيقه لا حق شفايفي ولا حق اي شي بس الحلو انه فازلين نزلو مرطب للشفايف ما ادري اذا في احد يعرفه ولا بس جدا جدا جميل حبيته هو مخصص للشفايف ان شاء الله لما انزل مفضلاتي بنزله وياهم ،
و اخر شي ان شاء الله تكونون استفدتو من هالتدوينه
تلقونه بالصيدليات اتوقع سعره 17 درهم
تلقونه بالصيدليات اتوقع سعره 17 درهم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــAskhttp://ask.fm/fofti_http://instagram.com/fofti_For Business Inquiries !fofti.al@hotmail.com
0 comments:
Post a Comment