بسم الله الرحمن الرحيم
صبـاح / مسـاء . . الخير ،
اتمنى تكونون بـ تمام الصحه و العافيه . .
اتمنى تكونون بـ تمام الصحه و العافيه . .
،
من فتره طويله وانا خاطري اصبغ شعري وردي ، فـ قمت ادور على الصبغه اللي تكون مؤقته
يعني كم يوم وتروح لانه عندي مناسبه سويت سيرج على الصبغات و لقيت صبغه غارنيه ب 5 الوان
اغلب الريفيوات اللي شفتهم على البنات كانت باللون البنفجسي وايد عجبني فـ غيرت رايي و قلت بجرب البنفجسي اكثر شي حمسني اجرب هالصبغه هالصوره
" ماعندي خبره صراحه فالصبغات وانا دايما اصبغ فالصالون وهذا مايمنع طبعا اني اقولكم تجربتي مع الصبغه "
(( محتويات العلبه ))
صبغه + قفاز + ورقة تعليمات خاصه بالصبغه
* معلومات مهمه قبل لاتصبغين *
- يستخدم على شعر جاف
- لا يغسل ( يعني بعد ما تحطين الصبغه ماتغسلينها لانها بالماي تروح )
فـ يفضل انج تكونين غاسله شعرج قبلها ومجففتنه
- لايسبب الظرر للشعر
- يستمر لـ 2 - 3 غسلات
* الخطـوات - كيف تستعدين للصبغه - *
- ضعي منشفه حول كتفيك و ازيلي جميع المجوهرات و تاكدي من ان يكون شعرك جاف .
- ضعي القفازات في يديك .
- رجي العلبه وهي مغلقه لمدة 5 ثواني .
- ضعي بعض القطرات من المنتج مباشره على اصابع القفاز .
- وزعي المنتج بين اصابع يدك عن طريق فرك الاصابع معا .
- خذي جزء صغير من شعرك ثم قومي بتوزيع المنتج بواسطة اصابعك عيدي الخطوات لكل جزء من شعرك المراد وضع المنتج عليه .
- بعد كل جزء تضعين عليه المنتج اتركي المنتج يجف ثم قومي بتمشيطه .
( الخطوات موجوده بالصور في علبة الصبغه )
** رايي فالمنتج **
طبعا انصدمت من النتيجه اللون وااايد واييد كان خفيف يمكن لانه اساسا انا شعري مصبوغ !!
ما ادري وين المشكله وليش الصبغه طلعت خفيفه وايد مع اني مشيت خطوه خطوه مثل ما اهو موضح وشفت فيدويات البلوقرز اللي مسوين فيديو
بعد ما استخدمت الصبغه كان في صعوبه صراحه بتمشيط الشعر بعد ماتجف الصبغه لازم تمشطينه الشعر
يستوي جي يابس مادري كيف اوصل لكم النوعيه
(فكان في صعوبه في تمشيطه حطيت وايد اشياء عشان يرجع شعري طبيعي واخر شي استخدمته ورجع شعري هو شامبو ويلا للصبغات فالجمعيات موجود وايد حلو للي صابغين شعرهم )
الشي الوحيد اللي حبيته فالصبغه انه ريحتها حلوه عادي يعني ما راح تتأذين منها و مب قويه الريحه
بس صراحه ماشفت نتيجه حلوه و فوق هذا كله خشنت شعري و لما اسشور شعري لون الصبغه يوصخ السشوار
فقررت اني ما اعيد التجربه و اسويها مره ثانيه
الباقي من المنتج تحتفضين فيه لمره ثانيه عادي تقدرين تستخدمينه اكثر من مره
القفازات تغسلينهم و تحتفضين فيهم الصبغه تروح بعد 3 - 4 غسلات تقريبا
بس مثل ماقتلكم مابعيد التجربه لانها كانت سيئه بالنسبه لي
خذيتها من موقع درق ستور
. . .
وبس هذا كان كل شي فالاخير لاتنسون تسعدوني بالاشتراك فالمدونه عن طريق ( المتابعون ) على يمين الصفحه
عن طريقه الضغط على انضمام لهذا الموقع . .
اذا عندكم اي استفسار تقدرون تتواصلون وياي عن طريق الايميل او الاسك او كتبولي كومنت اهني او الانستغرام
0 comments:
Post a Comment