منتج لإزالة الرؤوس السودا

بسم الله الرحمن الرحيم 

صبـاح / مسـاء . . الخير ،
اتمنى تكونون بـ تمام الصحه و العافيه . . 

مزيل للرؤوس السوداء من هوليكا هوليكا 

. . 

موضوع خفيف و جميل لليوم لمنتج يزيل الرؤوس السوداء في 3 خطوات مختلفه 

انا اول مره اجرب هالنوع و حبيت فيه شغلتين واييد وايد حبيتهم ، انا دايما استخدم لصقات بيوريه 

موجودين فالصيدليات و الجمعيات اما هذا المنتج من كوريا وصلني من تاجره

هذا اكاونتها stylish_nail@

اهم 3 خطوات لإزالة الرؤوس السوداء موجوده في منتج واحد مرقمين الخطوات من 1 لي 3 

قبل لاتبدين فالخطوات نظفي البشره عدل ( يعني تنظفونها من الدهون و غيره ) بعدين تبدين في اول خطوه 

Step 1 

راح تكون اول خطوه " فتح المسامات " لانه بهذي الطريقه تكون عملية إزالة الرؤوس السودا اسهل 

تخلينه لمدة 15 - 20 دقيقه وبعدها تشيلينه و تنظفين المنطقه و تحطين على خشمج ماي للخطوه الثانيه 

step 2 

الخطوه الثانيه بتكون " إزالة الرؤوس السودا و الجلد الميت " ( لاتنسون تبللون خشمكم شوي بماي ) 

تخلينها لمدة 15 دقيقه او اقل بشوي بتلاحظين انه اللصق صار يابس و بعدها تشيلينها 

step 3 

تعتبر اخر خطوه اللي هي " تسكير المسام " تخلينها لمدة 15 دقيقه او اقل بشوي وبعدها تشيلينه

بقايا المستحضر توزعينه على الخشم و تخلينه راح تمتصه البشره 

،

جذي تكونين خلصتي و تخلصتي من الرؤوس السودا ، اكثر شي حبيته الخطوه الاولى و الاخيره 

اول مره يمر علي منتج فيه لفتح المسام و تسكيره وايد جذبتني هالشغله اما النقطه الثانيه ف متعودين عليها الشي 

اللي ماحبيته فالمنتج انه نحتاج وقت لين نلخص بما يقارب النص ساعه 

النقطه الاهم . . هل حبيت المنتج ؟ هل برجع اشتريه ؟ 

اول شي انا تريت تتكون رؤوس سودا علشان اجرب المنتج و احكم عليه ،

حبيت المنتج و خصوصا مثل ما سبق و ذكرت حبيت الخطوه الاولى و الاخيره 

تزيل الرؤوس السودا بما يقارب ال 85 % و تخلي البشره ناعمه

اممم انا ما اشتريته مثل ماقتلكم وصلني ف يمكن ارجع اشتريه لانه عجبني 

وبس هذا كان كل شي فالاخير لاتنسون اتابعون المدونه سوا عن طريق ( المتابعون ) فالصفحه الرئيسيه على اليمين او عن طريقه برنامج bloglovin بعد من الصفحه الرئيسيه على اليمين تقدرون توصلون لصفحتي فالبرنامج  . . اذا عندكم اي استفسار تقدرون تتواصلون وياي عن طريق الايميل او الاسك او كتبولي كومنت اهني 

Leave a Comment Care