بسم الله الرحمن الرحيم
صبـاح / مسـاء . . الخير ،
اتمنى تكونون بـ تمام الصحه و العافيه . .
اتمنى تكونون بـ تمام الصحه و العافيه . .
اخر شهر 2 طلبت كذا شغله و منها هالاشياء من درق ستور ؛
موقع درق ستور موقع غني عن التعريف اتوقع الكل يعرفه و يطلب منه
في موقع قريب منه بس احس ماعنده شغلات وايد مثل الدرق ستور موقع iherb
صراحه ماجربت اطلب منه للحين ، اذا طلبت منه اكيد بنزل لكم مشترياتي منه
هالمره ماطلبت مكياج بس شي واحد
. .
من اكثر الاشياء اللي كان ودي اجربها لصقات الاسنان تبع كريست
خذت للاسنان الحساسه عشان ماتحسس اسناني بديت استخدمها طبعا من فتره مابكتب تجربتي الحين لين اخلص العلبه كامله
وعشان اكملها يعني خذيت المعجون من نفس البراند
طلبت حبوب التخسيس شفت كم وحده يبيعونه فالانستغرام و البنات طايحين فيه مدح
قلت شورانا نجرب بس بنات ترا وايد رخيص و التاجرات اللي يبيعونه بسعر مبالغ فيه !!
" مابكتب تجربتي لين اخلص العلبه كامله "
صبغتين من غارنيه صبغه بنفسجيه شفت ريفيو لاكثر من بلوقرز مدح !!
بحاول باقرب وقت انزل لكم تجربتي لاني صار لي فتره من استخدمتها
صبغ اظافر وصل واحد و باقي الشحنه مادري شصار فيها وتوقفت بصورلكم الصبغ اذا وصل
مسكره من cover girl شفتها على وحده عطتها كثافه بس انا مامشت وياي بجربها اكثر من مره و بعدين بحكم لاني بس مره جربتها
وبس هذا كان كل شي فالاخير لاتنسون اتابعون المدونه سوا عن طريق ( المتابعون ) فالصفحه الرئيسيه على اليمين او عن طريقه برنامج bloglovin بعد من الصفحه الرئيسيه على اليمين تقدرون توصلون لصفحتي فالبرنامج . . اذا عندكم اي استفسار تقدرون تتواصلون وياي عن طريق الايميل او الاسك او كتبولي كومنت اهني
0 comments:
Post a Comment