بسم الله الرحمن الرحيم
صبـاح / مسـاء . . الخير ،
انا من الناس اللي تعشق متابعة اليوتيوب اذا حسيت بملل على طول ابطله
طبعا بما اني متابعه جيده لليوتويوب ف اكيد عندي مجموعه من القنوات اللي احب اتابعهم
و منهم قنوات الميك اب او بمعنى " اخر اللي هم بيوتي بلوقرز "
بحط لكم خمس قنوات للميك اب وايد حبهم ودايما اتابعهم وتابعوهم انتو بعد علشان تستفيدون . .
في بنات يسئلون كيف نطور مهارتنا فالميك اب او كيف نتعلم انحط ميك اب
يعني اكيد مب في يوم وليله بتتعلمين اول شي ضروري ضروري تسوينه انج تمارسين هالشي
يعني من اول مره تين تحطين ميك اب تبين تضبطين كل شي فيه هذا شي مستحيل حتى خبيرات التجميل
بدو من الصفر لين وصلو للي وصلو له ، انا الحين لما اشوف ميك اب اول مابديت يعني مادري شقول هههههههه
لادمج نفس الناس ولا هم يحزنون ولو ماحطيت احسن بعد << " اقول انا كيف كنت اطلع بهذا الميك اب "
اكيد وايد حصلت انتقادات على اخطاء كنت اسويها فالميك اب و كنت << " اقول كيفي و عايبني "
ابدا ما وقفت ولا قلت عشان فلانه قالت جي خلاص انا ماعرف مابتعلم
مارسي وشوفي فيديوات تعليميه وايد بتحصلون فاليوتيوب في هذا الوقت مب لازم تدخلون دورات تدريبيه
النت متروس بتحصلون نصايح و طرق تعليميه كل شي موجود اي شي تبين تعرفينه بتحصلينه
كل ماتعلمتي اكثر لما ترجعين لصورج القديمه بتشوفين الفرق
و راح تتعلمين اشيا وايد ماكنتي تعرفينها
#1
اول وحده بديت اتابعها هالانسانه كاميليا اول مابدت كانت عندها قناه وحده بس و تتكلم بالبرازيلي
تخيلو كنت اتابعها وانا مب فاهمه ولا ششششي راسي يعورني وهي مادري شتخربط بعدين احلى شي سوته
انها بطلت قناه باللغه الانقليزيه " ارتحت نفسيا حزتها "
#2
هذي مكيجها فضييييع !! ابداع يعني ماقدر اوصف جمال مكياجها فنانه بمعنى الكلمه
اكثر وحده احب اتابع فيديواتها احلى من مكياج كميليا بعد
#3
جميله هالبنت احسها طيبه 
مكيجها جميل يمثلي بقوه وايد وايد احب الالوان اللي تحطهم ماتخبص وايد
#4
هدى كتان اكيد تعرفونها احب اتابعها و احب عفويتها و مكياجها احبه ماتخبص
#5
اخر شي هذي اكثر شي ميولها للنود في اشيا تجذبني و في اشياء لا
اخر شي حبيت اقولكم مب اي شي تشوفونه تشترونه . . ليش ؟
لانه بشرتج غير عن بشرتها ف مب كل شي تشوفونه تشترونه لانه ممكن مايناسبكم وخصوصا المبتدئات
في اشيا ماتحتاجونها و ممكن انكم ماتستخدمونها ف بتخلونها فالادراج زينه !!
كل شي يعتمد على نوع بشرتج و مشاكل البشره اللي عندج . . ممكن ماتكون عندج مشاكل فالبشره
بس في شي اسمه بشره جافه ، مخلتطه ، دهنيه
فالاخير لاتنسون اتابعون المدونه سوا عن طريق ( المتابعون ) فالصفحه الرئيسيه على اليمين
او عن طريقه برنامج bloglovin
اذا عندكم اي استفسار تقدرون تتواصلون وياي عن طريق الايميل او الاسك او كتبولي كومنت
اهني
ــــــــــــــــــــــــــــــــــــــــــــــــ
Ask
http://ask.fm/fofti_
Instagram
http://instagram.com/fofti_
For Business Inquiries !
fofti.al@hotmail.com
0 comments:
Post a Comment