بسم الله الرحمن الرحيم
صـبآح / مسـآء الخيـر . .
التدوين يحتاج ورقه و قلم علشان اي وقت يكون شي في بالي اكتبه قبل لا ادون او اول ماتيني فكره للتدوين وايد كلام ف بالي ابي اقوله لكم و اول ما افتح صفحة المدونه يطير كل
!! الكلام اللي كنت بكتبه و اقعد ساعه افكر شو اكتب و ارجع اسكر الصفحه
اليوم حبيت اتكلم عن منتجات جربتها سنة 2014 بس ماتكلمت عنها من قبل
#LORAC PRO 2
باليت لوراك برو 2 يعجز لساني عن الوصف . .جمال جمال هالباليت اللون الزيتي خياااااال اكثر لون حبيته فالباليت ، الوانه واضحه بدون برايمر اهو انا دايم استخدم برايمر بس جربته بدون برايمر الوانه واضحه و قويه ، يكون بالعلبه معاه برايمر بس صراحه ماجربته
يتكون من 16 لون . . 8 شيمر و 8 مات الوانه حلوه وهاديه و متنوعه شوي يتناثر الشدو
هالباليت خلاني اتحمس اخذ لوراك برو 1 اللي هو درجاته بنيه
للعلم جدا خفيف و ماياخذ مساحه كبيره اذا بتاخذينه معاج مكان
طلبته من موقع نوردستروم
سعره 42 $
من اليسار
Instant Age rewind Eraser
" في حد للحين ماجربه ؟ "ما اتوقع
خذيت منه درجتين لايت و ميديم
تغطيته وسط حلو للاستخدام اليومي مب ثقيل ومايخطط
ما اتذكر سعره خذيته من درق ستور
على اليمين
baby skin - instant pore eraser
برايمر ميبلين للمسامات " فقط للمسامات "
وظيفته بس يعبي المسامات اهو شفاف تجميلي فقط يعني مايعالج المسامات
بعد ماشفت عليه مدح مدح مدح هالكثر قلت لازم اجربه
بالنسبه لسعره وايد حلو اهو صح يعبي المسامات بس مايخفيها تماما يقلل من مظهرها
يعطي ملمس ناعم للبشره ، مقارب لبرايمر بنفت
سعره اذا ماخاب ظني 5 $ من درق ستور
24/7 Glide-On Eye Pencil
اقلام كحل اربن ديكاي من زمان ابي اجربهم ف نوردستروم كانو منزلين علبه تتكون من 10 اقلام
واحد فل سايز " الاسود " والباقين ترافل سايز << ترا احجامهم اوكيه يعني مب صغار
وايد حبيتهم و الحمدلله اني ماطوفت هالعرض مايسيحون الوانهم واضحه
وايد الوان في منهم تقريبا اكثر من 35 لون بس مشكلتهم سعرهم مرتفع بالنسبه للبعض
Sigma Brush
فرش سقما فالبلاك فرايدي خذيت ثنتين ونزلت عنهم بوست
طبعا فرش سقما غنين عن التعريف وايد احبهم و ما استغني عنهم
F86 وايد حلوه للكونسيلر خصوصا حق زاوية العين
F35 استخدمها للهايلايت
بنات اي فرشه عندج استخدميها بالطريقه اللي تعجبج مب شرط تتبعين اللي مكتوب عليها
بيبي كريم غارنيه مناسب للبشره الدهنيه و المختلطه
خفيف مناسب للاستخدام اليومي يعطي لوك ديوي
فيه حمايه من الشمس اذا ماخاب ظني في منه درجتين ميديم و لايت درجتي " لايت "
مادهن عندي الحمدلله بس منطقة الانف بعد فتره شوي دهنت
HIGH BROW - BENEFIT
هالقلم جميييييييل لتحت الحاجب هو قلم اضاءة لتحت الحاجب
ينور المنطقه ويعطيها شكل انظف و احلى
كحل " miss & mrs " وايد حلو
لونه يطلع من اول مره وثاااابت وفي منه واايد الوان و رخييص
ما ادري وين تلقونه انا خذيته من عندج تاجره فالانستغرام
@stylish_nail
اخر شي جل الحواجب من انستازيا غني عن التعريف وايد حبيته
في منه كذا درجه انا عندي دارك براون
قوامه كريمي بس شوي ويجف يصير على باودر يعطي شكل طبيعي للحواجب
انصحكم فيه و بشده
خذيته من نوردستروم
$18
وجذي اكون خلصت اتمنى استفدتو ولو شوي
لاتنسون اتابعون مدونتي واذا عندكم اي استفسار راسلوني عن طريق الانستغرام
او الاسك او الايميل او كتبولي كومنت اهني
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Ask
http://ask.fm/fofti_
Instagram
http://instagram.com/fofti_
For Business Inquiries !
fofti.al@hotmail.com
0 comments:
Post a Comment