بسم الله الرحمن الرحيم
♥ HELLO 2015
مـــرت سـنه . . ! مليئه بالذكريات منها الجميله و منها السيئه ،
اشكر كل شخص اهداني لحظه جميله
اشكر كل من قدم لي الاهتمام و الاحترام و التقدير
اشكر كل شخص مانساني في دعائه
اشكر كل شخص ما زال معاي . .
اتمنى لكم سنه مليئه بالسعاده ، خاليه من الاحزان و الاوجاع
بالنسبه لي ما كانت سنة 2014 سنه حلوه ، او بمعنى آخر ما كان فيها شي مميز
بس اكيد تعلمت منها اشيا وايد . . و ناويه هالسنه اغير في اشيا و اسوي اشيا ماسويتها من قبل
اكيد البعض منكم حط له اهداف لـ السنه اليديده ،
انا مب من النوع اللي يحط اهداف صراحه لاني ادري مابسويها او بسوي عكسها
يعني اول هدف حطيته ( اني ما اشرب مشروبات غازيه ) من صباح الله خير شربت ديو 
يعني مافي مجال ابدا ابدا اني احط اهداف الناس يحطون اهداف يحققونها وانا اسوي عكسها
السنه اللي طافت كان واصلني تاق فالانستغرام من وحده ما اتذكر منو صراحه عن الاشيا اللي ابي اشتريها في 2014 بس اتوقع حذفت الصوره << ( ميك اب ) . . اول شهر 12 رجعت للصوره و شفت هل انا اشتريت كل شي ناويه اشتريه . . بالفعل اشتريت كل شي كان من ضمن اللسته . .
هالسنه بس بحط شي واحد في لستتي اللي هو " كاميرا " وبشوف لي اخر هالسنه اذا خذيتها ولا
صراحه انا مب محتاجتنها بس وايد دشت خاطري مواصفاتها خيال + وايد اريح من الكانون ثقيله وماتقدرين تشيلينها كل مكان اما هذي خفيفه خفيفه و مواصفاتها وايد حلوه اسمها
Sony - Cyber Shot Digital Camera RX100 III
ماعندي شي اقوله بعد بس فـ نهاية هذي التدوينه حبيت اشكر كل متابعاتي الجميلات
اللي متابعيني اهني او بالانستغرام شكرا وايد تشجيع بسيط منكم يعنيلي الكثير
"ويشجعني اني اكمل " طبعا انا جي ولا جي بكمل "
بس حلو اني اشوف بنات يتابعوني مهتمين بنفس اهتمامي يشاركوني كل شي احب اشاركهم فيه
خذولكم لفه على مواضيع 2014 واتمنى مواضيع 2015 تكون احلى ان شاء الله
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Ask
http://ask.fm/fofti_
Instagram
http://instagram.com/fofti_
For Business Inquiries !
fofti.al@hotmail.com
TOP 5 YOUTUBE BEAUTY CHANNELS !
Empties 3 - منتجات خلصتها
Benefit Bling Brow - بلينغ براو
0 comments:
Post a Comment