Fashion Fever Makeup | | ميك اب فاشن فيفور

بسم الله الرحمن الرحيم 

صبـاح / مسـاء . . الخير ،
اتمنى تكونون بـ تمام الصحه و العافيه . . 

وصلتني منتجات للتجربه من ماركه يديده و اول مره تمر علي صراحه اسمها " Fashion Fever " 

 من التاجره هند و هذا اكاونتها @Hindgallery

الماركه من كل مكان صانعين شي هههههه مادري ليش ، الروج السائل اللي يتحول ثابت صناعه تايوانيه 

و الروج العادي صناعه فرنسيه و الكحل صناعه المانيه  وبقولكم شي عن الارواج التايوانيه 

اي روج اجربه صناعه تايوانيه " يلوع الجبد " 

المهم خلونا نتكلم عن المنتجات اللي وصلتني . . 

انا من عشاق الارواج المات لانها اكثر ثبات من اي نوع ثاني ، 

( شغله لازم تسونها قبل الارواج المات لازم تقشرون شفايفكم و ترطبونهم )

لانه الارواج المات اغلبها تكون جافه فـ مظهر الروج على شفايف متشققه ابدا يكون المنظر مب حلو 

MEGA Lasting Lipstick 

الروج اللي ع اليسار لونه لحاله قصه جمييل وايد حبيت الدرجه 

نوعه كريمي بس مطفي حبيت هالنقطه فيه لانه في بعض الارواج المات تحسينهم ناشفين زياده عن اللزوم 

ثابتين و مايشققون الشفايف 

رقم الدرجه : FFML22

Lovely Lips 

هالروج ابدا ماحبيته عكس الاول تماماً وبحط لكم بديل لدرجته 

اول شي لونه وايد حلو بس نوعيته ابدا مب حلوه

قوامه سائل شوي وينشف يتحول مات " مطفي " 

اول ماتحطينه تحسينه بيرفكت اول ماينشف يلصق الشفايف و تحسين كأنج حاطه شي باودر على شفايفج 

و الاسوأ من جي يتشقق وايد سواء حطيتي طبقه ولا طبقتين كله نفس الشي 

في وايد ماركات مسوين نفس هالنوعيه من الارواج اللي يكون سائل وبعدها ينشف 

ف حبيت احطلكم بديل لهذا اللون لانه ماعجبني بس لانه حبيت اللون لقيت له بديل  

من ماركة " girlactik " اللون اسمه " Allure "

نفس الفكره سائل و ينشف و يصير مطفي 

هذي صوره للونين 

 الكحل 

حبيته سواده حلو ومن اول ماحطيته لي ما مسحت مكياجي كان ثابت بس اتوقع 

ام دميعه ما راح يناسبها اللي عيونها وايد تدمع اقصد 

وبس هذا كان كل شي فالاخير لاتنسون اتابعون المدونه سوا عن طريق ( المتابعون ) فالصفحه الرئيسيه على اليمين او عن طريقه برنامج bloglovin بعد من الصفحه الرئيسيه على اليمين تقدرون توصلون لصفحتي فالبرنامج  . . اذا عندكم اي استفسار تقدرون تتواصلون وياي عن طريق الايميل او الاسك او كتبولي كومنت اهني 

ـــــــــــــــــــــــــــــــــــــــــــــــــــــــ

Ask 

http://ask.fm/fofti_

instgram

http://instagram.com/fofti_

For Business Inquiries !

fofti.al@hotmail.com

Leave a Comment Makeup