BH COSMETICS HAUL !

بسم الله الرحمن الرحيم 

صبـاح / مسـاء . . الخير ،
اتمنى تكونون بـ تمام الصحه و العافيه . . 

المفروض كنت انزل تدوينه الجمعه او الخميس اللي طاف بس ما كان في وقت اني انزل شي 

 و بعدين قمت كل يوم اقول باجر 

 المهم ،

من فتره طلبت شدوات Bh Cosmetics

من هالاكاونت @stylish_nail

هذي اول تجربه لي مع هالماركه طلبت 3 باليتات و بلشرين 

...

(( نبدا مع الباليتات ))

Wild Child

Wild & Free

Wild at Heart

كل الشدوات نفس الشي فـ قلت اتكلم عنهم كلهم مره وحده . . 
كل باليت يتكون من 9 الوان احس اول باليت راح استخدمه اكثر لاني احب هذي الدرجات اللي فيه 

في اختلاف الالوان من باليت لـ باليت لاكن كلهم بقمنتد بس احس يحتاجون برايمر 

مع انهم واضحين بدون برايمر بس انا ما ادري احسهم مع البرايمر احلى تحسين اللون يكون قوي 

كل الشدوات فيها لمعه انا افضل اني استخدمهم على الجفن المتحرك 

في وايد الوان جميله و تشوق من جذي خذيتهم كلهم لانه احس في كل باليت لون معين جذبني 

الالوان فالطبيعه احلى 

(( البلشرات ))

Tulip

Iris

الوانهم حلوه لايغركم اللون القوي اللي هم عليه يطلعون حلوين 
علبة البلشر فيه لونين واحد بلمعه و واحد مطفي تقدرين تستخدمينهم مع بعض او كل واحد بروحه 

اول واحد على بالي برونز بس طلع لونه برتقالي 

وانا مب ويا البرتقالي وايد بالمكياج احس مايناسبني مبين انه وايد برتقالي بس طلع خفيف وحلو 
حبيته توقعته يطلع برتقالي قوي لماا احطه بس لونه لا طلع مب برتقالي 
هذي صوره من النت توضح اللون لـ بلوقر اجنبيه 

وبس هذا كان كل شي فالاخير لاتنسون اتابعون المدونه سوا عن طريق ( المتابعون ) فالصفحه الرئيسيه على اليمين او عن طريقه برنامج bloglovin بعد من الصفحه الرئيسيه على اليمين تقدرون توصلون لصفحتي فالبرنامج  . . اذا عندكم اي استفسار تقدرون تتواصلون وياي عن طريق الايميل او الاسك او كتبولي كومنت اهني 

ـــــــــــــــــــــــــــــــــــــــــــــــــــــــ

Ask 

http://ask.fm/fofti_

instgram

http://instagram.com/fofti_

For Business Inquiries !

fofti.al@hotmail.com

Leave a Comment Makeup