بسم الله الرحمن الرحيم
صبـاح / مسـاء . . الخير ،
مجموعة لورا مرسيه للعنايه بالجسم اللي خذيتها من فتره
اخترت مجموعة العنبر بالفانيلا
Ambre Vanillé
انا احب استخدمها اذا حبيت استرخي ما استخدمه كل يوم ، الريحه تجنن و اكثر شي حبيته الثبات
تقدرين تاخذينهم بأحجام اكبر منفصلين بس انا اشوف المجموعه حلوه و كميتها حلوه
من ناحية السعر تعتبر غاليه بس صراحه تسوى كل درهم يندفع فيها و انصح فيها
اكثر شيئين انصحكم فيهم من المجموعه اللي جربتها الكريم و السكراب "
Honey Bath
اهو صح انه هوني باث ينحط بالماي بس انا استخدمه كـ شور جل بس هو مب شور جل
استخدمه مع الليفه تي معاه خشبه علشان تاخذين فيه العسل من العلبه
رييييحته شي غريب وجميل وايد حبيتها و يعطي شعور جميل لما تستخدمينه طبعا لما تحطينه على
الليفه يصير رغوه
Scrub
السنفره حبيباتها ناعمه و كثييره تقشيرها خفيف تقدرين تستخدمينها كل يوم
تقشيره ترا وايد عادي بس تحسين بعدها انه جسمج رطب مب جاف و ريحتها مثل باقي المجموعه و ثابته
Soufflé Body Crème
عاد هذا الحب اذا ودج تجربين شي واحد منهم عليج بهالكريم شي شي جدا جميل
اخف جدا من الزبده ولا هو كريم ثقيل وترطيبه وسط بسرعه يمتصها الجسم و الريحه ثااابته
Shimmer Body Mist
الشيمر ميست قوامه شوي غريب ماعرف اوصفه
فيه وايد شيمر بس يكون مثل لمعه مائيه بس متروسه شيمر يلمع بس ما استخدمه وايد يعني احس ماله داعي
ريحته نفس ريحة باقي المجموعه
وبس هذا كان كل شي فالاخير لاتنسون اتابعون المدونه سوا عن طريق ( المتابعون ) فالصفحه الرئيسيه على اليمين او عن طريقه برنامج bloglovin بعد من الصفحه الرئيسيه على اليمين تقدرون توصلون لصفحتي فالبرنامج . . اذا عندكم اي استفسار تقدرون تتواصلون وياي عن طريق الايميل او الاسك او كتبولي كومنت اهني
Ask
http://ask.fm/fofti_
Instagram
http://instagram.com/fofti_
For Business Inquiries !
fofti.al@hotmail.com
0 comments:
Post a Comment