بسم الله الرحمن الرحيم
صـبآح / مسـآء الخيـر . .
. . .
(( الفرق بين بيوتي بلندر الاصليه و التقليد ))
الاصليه خذيتها من موقع نوردستروم و التقليد وصلتني من التاجره @STYLISH_NAIL ( ما اسوي دعايه حق حد ولا شي بس بما انها طرشت لي التقليد اجربها ف ع الاقل اذكر اسمها و بنفس الوقت للافاده للي حاب يجربها وهذي تجربتي الشخصيه يعني مثل ما احترم ارائكم احترمو رايي 😝)
البيوتي بلندر : هي عباره عن اسفنجه على شكل بيضه تستخدم جافه او مبلله بالماء (بتشوفون حجمها صار اكبر ) طريه تعطي لوك فلولس طبيعي تقدرين تستخدمينها مع فاونديش او كونسيلر سائل او كريمي او بلشر كريمي او لدمج الكونتور او للوز باودر على حسب استخدامج فيها طرفين الطرف المدبب تقدرين تستخدمينه للاماكن الصغيره اللي تحسين يبالها شي ادق مثل تحت العين او حوالين الشفايف وتناسب كل البشرات
الفرق ،،
اكيد التقليد مابتعطيج 100 % نفس النتيجه بس حسيت وايد قريبه من الاصليه يعني اذا تقارنين ادائها بسعرها شي جميل العلبه للاسفنجه الاصليه كبيره اما التقليد بس على حجم الاسفنجه
نبدا بالفنش انا حطيت نص ويهي بالاصليه و نص بالتقليد حسيت كلهم عطوني نفس النتيجه بس الاصليه شوي افضل ، الاصليه طريه ومريحه جدا بالطبطبه التقليد طريه بس شوي ايبس من الاصليه اختلاف الاسعار اكيد الاصليه اغلى من التقليد اللي تقدر تشتري الاصليه انصح فيها و بشده و التقليد ابدا مب سيئه اصلا انصدمت انها بتكون جي لان قبل جربت اسفنجه يالله كيف يابسه ايدي عورتني وانا اطبطب ف اللي ماتقدر تشتري الاصليه تجرب التقليد
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Ask
http://ask.fm/fofti_
Instagram
http://instagram.com/fofti_
For Business Inquiries !
fofti.al@hotmail.com
0 comments:
Post a Comment