السـلام عليكم و رحمة الله و بركاتـه ،
صـباح / مسـاء الخيــر . .
. . .
شريت ثلاث شغلات من موقع درق ستور وبيوتي هو عباره عن موقعين بسله وحده يعني كيف ؟!
يعني لما تدخلين الموقع بتلاحظين انهم موقعين منفصلين لاكن تجمعهم سلة شراء وحده
تقدرين تشترين من موقع درق ستور و تقدرين تشترين من موقع بيوتي بس بالاخير بتكون كل مشترياتج بسله وحده
الموقع حلو ودايما اشتري منه لاكن يبطون الجبد شوي :) يعني عادي يجزئون لج الطلبيه بس مادري على اي اساس يمكن لان المنتج يكون مب موجود او شي من هذا القبيل يعني مثلا هذي اخر طلبيه طلبتها كانو شغلتين من بيوتي وشغله وحده من درق ستور كل منتج طرشوه لي اياه منفصل في كرتون :|
Elf Professional Lip Exfoliator , Clear
اول منتج من درق ستور دايما اوت اوف ستوك و اول ماشفته موجود خذيته
هو عباره عن مقشر و معالج للشفايف على شكل روج بزبدة الشيا و الافوكادو و الجوجوبا و يحتوي على فيتامين e
تندمت ماخذيت زياده وايد حبيته سهل استخدامه اشوفه افضل من مقشر لاش
سعره 3 دولار من موقع درق ستور
Nars Lipstick
روج من نارس اسمه pigalle كريمي لاكن مافيه اللمعه الكريميه مطفي
حبيته حق استخدام يومي لونه شوي دارك
. . .
هذي هي الدرجه بس كالعاده مب مبين فالصوره لون الروج عدل ف يبت لكم السواتج من الموقع
Radiant Creamy Concealer
هذا الكونسيلر اتوقع مافي حد ماجربه وايد يشبهونه ب فيت مي من ميبلين للحين ماجربته
اول ما اجربه اكيد بكتب رايي فيه خذيت درجه " Ginger " بمجرد النظر حسيت اللون اغمج مني اذا مايازت لي الدرجه باخذ custard
اخترت هالثلاث تسترات من موقع بيوتي
< < <
واخر اخر اخر شي دايما يطرشون لي قسائم خصم ف حبيت اهديكم هالقسيمه اللي بتستخدمها عليها بالعافيه
هذيل رابطين للموقعين وتقدرون تتنقلون بين الموقعين من الموقع نفسه ماتحتاجين الرابطين يعني رابط واحد يكفيج
موقع الدرق ستور فيه ماركات الدرق ستور الرخيصه مثل ( ميبلين ، لوريال ، ان واي اكس ، ايلف . . . إلخ بالاضافه لماركات ثانيه خاصه بالجسم ، بالشعر ، بالاسنان يعني تلقين فيه وايد شغلات حلوه اما بالنسبه لموقع بيوتي ف تكون فيه الماركات الثانيه مثل ( نارس ، اربن ديكي ، ذا بالم ، توفيسد .. إلخ تقدرون تشوفون الماركات المتوفره عن طريق الموقع بالضافه لباقي الاقسام اللي تخص ماركات العنايه بالجسم و الشعر و غيره ،
http://www.drugstore.com
http://www.beauty.com
وجذي نكون خلصنا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Ask
http://ask.fm/fofti_
Instagram
http://instagram.com/fofti_
For Business Inquiries !
fofti.al@hotmail.com
0 comments:
Post a Comment