♡ مفضلاتي في الفتره الاخيره ♡

بسم الله الرحمن الرحيم 

صبـاح / مسـاء . . الخير ،
اتمنى تكونون  بـ تمام الصحه و العافيه . .

فالفتره الاخيره جربت منتجات وايد و اخترت بعضهم اللي حبيتهم و استخدمهم دايما ً

و ما استغني عنهم ، وانا دايما احب اشوف هالنوع من المواضيع في المدونات 

لان تخلينا نتعرف على منتجات يديده ماكنا نعرفها . . 

عطر roberto cavalli paradiso

وقعت في غرام هالعطر جدا فخم ! صراحه ماعرف اوصف مكوناته 

بس كل اللي اقدر اقوله فخخخم وايد وايد حلو 

عطر بودي من بربري

من العطور اللي مادري وينه عني من زمان !

مناسب جدا لكل الاوقات ريحته هاديه جدا و ماتتغير مع حرارة الشمس 

نزلو بعد عطر يديد وريحته جميله بس تقريبا الروايح قريبه من بعض 

بودرة دهن العود 

صراحه ماقمت استغني عن هالبودره ريحتها جدا هاديه وجميله و رخيصه بعد 

دهن عود هند 

هند العود من المحلات المعروفه بدهن عودهم و عطورهم شي خرافي ! 

بالنسبه لي شي راقي جدا سوا كان حقج او بتقدمينه كـ هديه 

دهن عود " الشيخ عبدالله " غرامي واايد احببه 

عطر الشعر PURE & CHARM

وايد حبيته للشعر ريحته تبقى لي ماتغسلين شعرج مره ثانيه 

يستدخم للشعر و الجسم بس صراحه انا حبيته للشعر اكثر 

بس للاسف خذيته من تايلند و ماحصلته اهني و دورته اونلاين وماحصلته 

خذيت شراته من براند ثاني بس ماحبيته هذا وايد احلى  اللي عندها حد بيسير تايلند توصيه ايبلها منه 

ديودرنت فيجي & لويس ويدمر 

- ديودرنت فيجي قوامه سائل وانصح فيه جدا جدا وايد قوي بس عيبه يطول على ماينشف 

- ديودرنت لويس ويدمر قوامه كريمي 

" الاثنين اسعارهم وسط ماتعتبر غاليه و لا رخيصه ، لويس ويدمر يجف اسرع من فيجي بس فيجي اقوى من لويس ويدمر ان شاء الله وصلت المعلومه " 

فالفتره الاخيره بديت اعالج بشرتي ف كانت حياتي عباره عن ترطيب خخخ كنت اشتري اكثر شي مرطبات للجسم و للبشره و لكل شي . . 

مرطب و سبري من كلينك 

هالاثنين عطوني اياهم كلينك لما اشتريت جهاز تنظيف البشره كانت هديه مع جنطه و فيها كذا شي 

طبعا اكيد كلكم عارفين انه كلينك ماركه طبيه و اذا كنتي مفكره تاخذين مجموعه انصحج فيها لان اسعارها متوسطه 

Clinique - Moisture Surge Extended Thirst Relief

# المرطب قوامه مثل الجل شوي ثقيل يناسب البشره الجافه  الحلو فيه انه تمتصه البشره بسرعه

Clinique - Moisture Surge Face Spray Thirsty Skin Relief 

# سبراي الوجه يعطي انتعاش للبشره ، اخذه معاي و انا طالعه اذا شفت منطقه جافه في ويهي ارش منه لان انا عندي الحجم الصغير حلو للجنطه ماياخذ مساحه كبيره ، المنتج مب ضروري عادي يعني وفي بدائل كثيره له بس انا حبيته بسبب حجمه 

Cetaphil Moisturizing Cream

مرطب خالي من العطور و البارابين مناسب للبشرات الجافه و الحساسه يستخدم للجسم و الوجه 

وايد حبيت هالمرطب فالفتره الاخيره ترطيبه عالي 

زبدة الشفايف من بالميرز قوي جدا للي يعانون من جفاف الشفايف يحتوي على فيتامين E 

سعره يعتبر شوي غالي علي مرطب ولاكن جدا جميل مايسود الشفايف مثل باقي المرطبات اللي دعايتها مكسره الدنيا و اخر شي شفايفج تسود منهم 

مرطب بيودرما 

مرطب للايد الجافه يوعد بترميم و تغذية البشره 

رايي و بصراحه ! شهادتي فيه مجروحه 

مفيد جدا للي تعاني من جفاف فيه نسبة عطر خفيفه و ريحته هاديه و جميله 

ماركة بيودرما ماركه طبيه و معروفه عندهم مجموعه كبيره من الكريمات

و اهني بدورج تنتبهين و انتي تاخذين المنتج

ركزو على صورة الكريم مكتوب ATODERM MAINS انتبهو لانه في نفس الكريم بس طبعا اختلاف الوظيفه بدل MAINS مكتوب PO ZINC !  

صابون مغربي 

هذا الصابون اسمه " الكسال " 

طبعا كلنا نعرف انه الصابون المغربي ينظف البشره و ينورها و يعطي نعومه و جمال للبشره 

بس اهم شي انج تخلينه في مكان بارد ضرووري انا فالصوره هذي صورته قبل لا اعقه لان نسيته بالحمام وانتوا بكرامه و اخترب

طريقة الاستخدام : 

- يبلل الجسم بالماء 

- يدلك الجسم بالصابون الغربي 

- يترك لمدة 3 - 5 دقائق 

ـ يفرك بالليفه " الليفه الخاصه بالصابون المغربي " 

 وصلني من 

stylish_nail

1 comment Care