فاونديشن لوريال انفاليبل | | Foundation Loreal Infallible 24H

Wednesday, August 10, 2016

بسم الله الرحمن الرحيم 
صبـاح / مسـاء . . الخير ،
؛ اتمنى تكونون  في تمام الصحه و العافيه ؛ 

فجأه حسيت بنشاط فـ قمت اكتب التدوينه 
صارلي فتره اعالج بشرتي و بعدها جربت وايد فاونديشنات بس ماقدرت احكم لان بشرتي كانت وايد جافه ما اقدر اظلم اي منتج . . قبل العلاج كانت بشرتي دهنيه جدا في مناطق التي زون و باقي المناطق عاديه فاللي بشرتها دهنيه تقدر ترجع للمواضيع السابقه عن الفاونديشنات اللي تكلمت عنهم و ان شاء الله بتستفيد اما حاليا بعد العلاج بشرتي جافه .

قبل كم يوم تكلمت عن فاونديشن في انستا سناب و مثل ماتعرفون انه بعد 24 ساعه يروح البوست فـ هذي التدوينه بتكون ثابته للي حاب يقراها في اي وقت . . 


فاونديشن لوريال انفاليبل // Foundation Loreal Infallible 24H



بإختصار الفاونديشن بطل للبشره الجافه 
حبيت تغطيته متوسطه لـ فل كفر طبعا هذا الشي انتي تحددينه عن طريق طريقة وضع المنتج 
الفاونديشن خفيف على البشره و قابل للبناء و اهم ششي انه مايتأكسد 
في حمايه من الشمس و يدوم لاكثر من 6 ساعات
انا بالنسبه لي اشوفه مايناسب البشرات الدهنيه و خصوصا فالصيف وااايد بيدهن المنظر بيكون مأساه اما فالشتاء ممكن يناسب البشره الدهنيه 
اما بالنسبه للبشرات الجافه و العاديه انصح و بشده و اكيد فالشتاء بيكون اجمل
لان مثل ماتعرفون مافي فاونديشن يقاوم صيفنا


حبيت درجاته اغلبهم على صفار و هالشي جدا ممتاز لاكن للاسف شوي الدرجات قليله يمكن 7 او  8 درجات 
بس احس الدرجات تناسب الاغلب 
" 120 فانيلا " على صفار تناسب البيض 
" 130 بيج طبيعي " 
" 140 قولدن بيج " على صفار 
" 160 " تناسب السمر 
. . . 
حطيته لاكثر من 6 ساعات و كنت فالهواء الطلق خخخ قصدي كنت فالحر يالسه 
ما انكر انه مع بشرتي الجافه بدا يلمع الفاونديشن << مادهن لا بدا يلمع وهذا شي طبيعي الجو جدا حااااار  مع العلم اني ماكنت مثبتتنه بباودر بس الاحلى من كل هذا انه ماتحرك 
لوريال من الماركات الرخيصه اللي جدا اثق فيها و متوفره في كل مكان و اسعارها في متناول الجميع 




0 comments:

Post a Comment

Top