بسم الله الرحمن الرحيم
صبـاح / مسـاء . . الخير ،
؛ اتمنى تكونون في تمام الصحه و العافيه ؛
؛ اتمنى تكونون في تمام الصحه و العافيه ؛
احس وايد قمت اكتب عن منتجات خلصتها اكثر عن المواضيع الثانيه مادري شسالفه !
بحاول قريب ان شاء الله ارجع بمواضيع مشوقه خخخ قصدي مثل قبل يعني
احيانا تكون عندي منتجات اكثر مخلصه بس احس مالها داعي او مثلا تكلمت عنه من قبل ف اكنسلهم من الموضوع .. المهم بسم الله نبدا
- صابون اليد السائل من باث اند بودي وركس
هالشي الجميل مستحيل استغني عنه صراحه افضل نوع من غسولات اليد اللي جربتهم و ما عندي اي نيه اغيرهم
عباره عن صابون يد سائل رغوي ريحته تثبت فاليد وهذا اكثر شي احبه فيه
هالانواع بالنسبه لي ريحتهم جميله و هالشي يعتمد على ذوق الشخص نفسه
من اليمين frosted cranberry " ريحته تجنن مب متأكده اذا بتحصلونه اهني ولا لا انا خذيته اونلاين من الموقع "
الوسط fresh watermelon lemonade " كانت ريحته جيده ولاكن شخصيا مابرجع اشتريه "
الاخير japanese cherry blossom " من الروايح المفضله عندي "
- مرطبات الشفايف
جربت من الاسوء للافضل و بالنسبه لي فازلين الافضل وفي مرطبين بعد تكلمت عنهم من قبل
# vaseline من افضل الانواع اللي جربتهم بس للاسف مب متوفرين عندنا
# labello اممم نص نص صراحه هو حلو و ريحته حلوه لاكن مابرجع اشتريه لان لقيت الافضل
# sebamed انا بالنسبه لي من اسوء الانواع احسه بدل لايرطب الشفايف ينشفهم ابدا ماناسبني
- جل كريم مرطب للوجه
منتج من المنتجات المظلومه استخدمه من سنتين يمكن مناسب للبشرات العاديه و المختلطه
انا افضل هالنوع من المرطبات لقبل الميك اب صراحه لان البشره تتشربه اسرع قبل كنت استخدم تبع بودي شوب ، بس مايمنع انه نجرب منتجات ممكن تكون افضل بالنسبه للفرق بينه وبين تبع بودي شوب تكلمت عنه من قبل فالمدونه . .
هذا تحسونه شوي دهني هذاك تحسون كأنه حاطين ماي على ويهكم الاثنين شوي مختلفين عن بعض و احب الاثنين صراحه .
هذا تحسونه شوي دهني هذاك تحسون كأنه حاطين ماي على ويهكم الاثنين شوي مختلفين عن بعض و احب الاثنين صراحه .
اللي عطاني اياه هالمنتج ترطيب و اشراقه جميله ويخلي البشره طريه و سبق وذكرت هالنوع من المرطبات تمتصه البشره اسرع مايدبق على الويه
" البشرات الحساسه اتوقع هالنوع ممكن مايناسبها لانه يحتوي على العطور "
من اليمين
- سبراي للوجه من كلينك تكلمت عنه من قبل هنا
- فكس بلس من ماك اتوقع خلاص عارفينه وكل بنت عندها منه !
يحتوي على فيتامينات و يعتبر مهيء للبشره قبل الميك اب و ممكن تستخدمينه لتخفيف الفاونديشن و دمجه
ايضا تقدرين تصلحين فيه المنتجات المكسوره واايد اشياء تقدرين تسوينها بهالمنتج
انا لازم يكون عندي واحد قبل لايخلص
- سبراي ايفيان للوجه يرطب البشره و يهدئها اللي حبيته فيه انه يبرد على البشره لاكن صراحه مابرجع اشتريه لان تبع كلينك بالنسبه لي الافضل
- سكراب القدم من بودي شوب
مقشر بالصخور البركانيه لتقشير مكثف لتنعيم حتى اصعب الجلد
حبيته حلو بس مادري اذا برجع اشتريه ولا لا ، لأن في انواع ثانيه من براندات ثانيه وبعد حلوين
- ميلك شور من Palmolive
سبق و تكلمت عنه حبيته ف رجعت خذت منه ريحته هاديه وتثبت شوي فالجسم اكيد برجع اشتري منه
- بديل الزيت من بانتين
جربت من قبل بديل الزيت من بانتين بس هذاك كان مكتوب عليه انسيابي وحريري كان افضل صراحه بواايد من هذا مع انه المفروض انا استخدم هذا بما انه شعري مصبوغ بس مادري ما حبيته
عجبني الثاني اكثر اللي حاب يقرا عنه هنا
- من اليمين شور كريم palmolive يعتبر جيد بس صراححه الروايح مش ولا بد بس الـ peach اللي دخل مزاجي
- ثاني واحد تبع بوتس صراحه مادري شسمه بالضبط ايضا جيد
ولاكــن " في الافضل منهم يعني اللي نزلته فوق من بالموليف ايضا بس نوع ثاني بالنسبه لي افضل "
- سنفرة BOUTIQUE
هالسنفره بالدراق الابيض و الكمثرى توعد بأنها تعطي الجسم اشراقه
بأختصار جيده انا صراحه مابرجع اشتريها لان ماشوف فيها اي مميزات تخليني ارجع اشتريها
و بما انه السوق مليان ف ودي اجرب اشيا يديده و ايضا في انواع افضل جربتهم منها
وبصراحه ماشوف فيها اي شي يستاهل اني ارجع اشتريها
قوامها سائل اكثر و تقشيرها جدا عادي !
اتوقع بتقولون هذي مافي شي عاجبها خخخخ << لا بس لأن مجربه اشياء افضل بالننسبه لي
- لوشن حليب من فازلين
لوشن للجسم بالصبار صراحه احب منتجات فازلين و عندي لون ثاني من هذا المنتج و عندي البخاخ
بس ابغي ابين لكم اني استخدم منتجات فازلين وايد > >
خفيف و تمتصه البشره بسرعه و ترطيبه متوسط اكيد برجع اشتري منه
- Black Tea
كريم للعين صراحه ماشفت منه نتيجه واضحه و هالعلبه صغيره للتجربه ما اقدر احكم عليه كـ منتج
بس طحت على منتج خطييير للترطيب تحت العين بنزله قريب ان شاء الله
- crabtree & evelyn
صراحه هالمرطب جمييييل بالضبط هالنوعيه من كريمات اليد اللي يحبها قلبي
و ريحته خطييييره بالرمان كنت ماخذتنه مجموعه كامله من موقع drugstore
Finally . .
ودي انزل مواضيع مختلفه بس مافي شي في بالي
ودي انزل مواضيع مختلفه بس مافي شي في بالي
و من البدايه كان توجهي فالمدونه اكثر شي منتجات عنايه و ميك اب بين فتره فتره انزل
ماوضيع مختلفه بس من النوادر بس ان شاء الله بفكر في شي مختلفه
نلقاكـم في مواضيع اخرى بأذن الله
0 comments:
Post a Comment