بسم الله الرحمن الرحيم
صبـاح / مسـاء . . الخير ،
اتمنى تكونون بـ تمام الصحه و العافيه . .
اتمنى تكونون بـ تمام الصحه و العافيه . .
،
بما اني ما اتكلمت وايد عن المسكرات و خصوصا اهني فالمدونه اتوقع ولا مره كتبت عنهم
و لاني اشوفها شي مهم مع الميك اب دايما المسكرا تحلي المكياج و تبرز الرموش
حبيت اكتب عن المسكرات اللي استخدمهم دايما واحبهم
المسكرات مثلهم مثل اي شي ثاني ممكن يناسبج و ممكن مايناسبج
يعتمد على رموش وذوقج و طريقة استخدامج في بنات يحبون الرموش الطوال وفي بنات يحبون الكثاف و في بنات رموشهم طوال بس مب كثاف وفي بنات رموشهم كثيفه بس مب طويله فـ بالتالي اذا انا افضل مسكره تطول انتي تفضلين تكثف و ممكن العكس و ممكن تحبين الاثنين مع بعض انا عني افضل المسكره تكثف اكثر من انها تطول لانه رموشي طولها مناسب بس مب كثيفه
نصيحه : لاتركبين رموش كل يوم لانه صمغ الرموش يقطع الرموش الاصليه مع الوقت بتحسين رموشج خلاص خفييفه وايد
وبتضطرين انج تركبين كل يوم رموش و شي ثاني بتتعودين على شكلج بالرموش وما بتتقبلين شكلج بدون رموش
خلي تركيب الرموش للمناسبات عشان تحسين بالفرق
Outrageous Volume Mascara - Sephora
مسكرة سيفورا هذي عجيبه صراحه و التوب بالنسبه لي لكل زمان و مكان
سوادها قوي ، تكثف و تطول الرموش بشكل ملحوظ
تلقونها في جميع افرع سيفورا
صراحه ما اعرف سعرها لانها هديه من سيفورا بس اتوقع سعرها متوسط
Givenchy Noir Couture Mascara
مسكرة جفنشي نوير كوتور من المسكرات اللي من اول استخدام حبيتها
الحلو فيها انها تطول و تكثف و بنفس الوقت تقدرين توصلين لكل الرموش
بس عيبها اذا كثرتي الطبقات تحسينها تلزق الرموش فـ حاولي ماتكثرين
و تطلع كمية اكثر من الحاجه من المنتج وانتي تطلعين المسكرا حاولي انج تتخلصين من الزوايد على
حواف فتحة المسكرا << ان شاء الله استوعبتوا قصدي
سعرها 170 اتوقع موجوده في سيفورا
Korff Panoramic Mascara
مسكرة كورف ماركتها طبيه و تنفع استخدام يومي
سوادها فضييع و تكثف صراحه ندمت ماخذيت الانواع الثانيه
سعرها : 7.460 دينار اتوقع
من صيدلية الروضه - الكويت
Rimmel Glam Eyes 2 Day Night
الجزء الاول يكثف
الجزء الثاني يطول
هالفرشه من ريميل لتكثيف و تطويل مثل ما هو واضح فالصوره الجزء اللي فوق يطول و الجزء اللي تحت يكثف
حلوه للاستخدام اليومي تطول و تكثف بشكل حلو
سعرها مايتعدا ال50 درهم بس ما اتذكر كم بالضبط
تلقونها في سنتربوينت او بوتس
Maybelline Volum' Express The Colossal
هالمسكرة من ميبلين عندهم انواع متشابهين مسكراتهم اختاروا اللي يناسبكم
هذي المسكره سوادها مب قوي وايد اتوقع في منها نوع ثاني يكون سوادها اكثر من سواد هذي
تكثف الرموش بشكل حلو و حلوه للاستخدام اليومي انا استخدمها مع مسكرة ريميل وسعرها وايد رخيص ما اتذكر بكم
سنتربوينت او في بوتس تحصلونها
. . .
وبس هذا كان كل شي فالاخير لاتنسون تشتركون فالمدونه عن طريق ( المتابعون ) على يمين الصفحه
عن طريقه الضغط على انضمام لهذا الموقع . .
اذا عندكم اي استفسار تقدرون تتواصلون وياي عن طريق الايميل او الاسك او كتبولي كومنت اهني او الانستغرام
0 comments:
Post a Comment