بسم الله الرحمن الرحيم
صبـاح / مسـاء . . الخير ،
اتمنى تكونون بـ تمام الصحه و العافيه . .
اتمنى تكونون بـ تمام الصحه و العافيه . .
،
هالشهر ماكتبت وايد تدوينات
بس ان شاء الله الشهر الياي اتنشط و اكتب اكثر
اليوم بتكلم عن منتجين من اشهر المنتجات عند بنفت و يمكن اغلب البنات عندهم منه
High Beam & bene tint from Benefit
. .
انا احب بنفت صراحه احسهم دايما يسعون للتميز دائماً و ابدا
دايما اشوف تعليبهم للمنتجات و تطويرهم للمنتجات غير عن باقي الماركات
High Beam
اضاءة بنفت مثل ماقلت لكم من اشهر منتجات بنفت
هي عباره عن اضائه سائله
لونها لؤلؤي مايل للوردي وفي منها سن بيم على ذهبي
طريقة استخدامها . .
احط نقط بالفرشه مالت الاضائه نفسها على المنطقه اللي بوزع فيها الاضائه
وبعدين اوزعها بصبعي عن طريق الطبطبه
هالاضائه ماتنمد لانها تتقطع و راح يبين شكلها مب حلو
فائدة الاضائه . .
تنحط الاضائه على المناطق اللي تبين تبرزينها
مثل : عظمة الخد ، جسر الانف ، و اعلى الشفه . .
وبعد يصير تخلطينها مع الفاونديشن بس تحطين منها كميه بسيطه
للي مايحبون اللوك المات
سعرها . . 120 او 130 بهالحدود مب متذكره بكم بالضبط
benetint
من المنتجات المشهوره بعد عند بنفت بين تينت
هو عباره عن ملون شفاه و يستخدم بعد للخدود
ايام المدرسه كنت استخدم اللي من بودي شوب نفس الفكره بس ما اتذكر كيف كان ثباته ف ما اقدر اقارن بينهم
قوامه مائي صراحه هو منتج جميل لاكن مايسوا يعني شي مب ضروري و عادي
صبغته خفيفه و طبيعيه بس كأنج شاربه شي و ملون شفايفج بس بعد اللون خفييييف وبسرعه يروح
الشغله اللي ماحبيتها حسيته ينشف الشفايف !! ما ادري اذا بس انا اللي واجهت هالمشكله ولا لا
ف بديت ارطب شفايفي وبعدين اشيل المرطب عن طريق الطبطبه بالكلينكس و احط التنت
وشغله ثانيه ماحبيتها فرشته ابدا ماحبيتها
حبيته للخدود بس اكثر قاعده استخدمه للشفايف
كميته كبيره و سعره مناسب بالنسبه للكميه بس بالنسبه للجوده ما احسه يستاهل
يمكن اجرع اشتريه و يمكن لا ما ادري للحين
سعره . . تقريبا مثل الاضاءه 130 او 120 ما اتذكر كم بالضبط
. . . وبس هذا كان كل شي
اذا عندكم اي استفسار تقدرون تتواصلون وياي عن طريق الايميل او الاسك او كتبولي كومنت اهني او الانستغرام 
0 comments:
Post a Comment