Dolce Gusto ❤

Hello . !

شخخبآرككم ؟ 

جهاز القهوه من نسكافيه ،. 

Dolce Gusto ❤

\\

ادري وايد طولت على ما نزلت هالتدوينه 

بتكلم عن جهاز القهوه من نسكافيه " دولسي قوستو " 

من زمان كان ودي اجرب هالاله خذيتها برمضان واستخدمتها وايد و حبيتها 

ف بما انه اكثر من بنت سئلتني عنها قلت انزل تدوينه كامله .. 

هالجهاز في منه اكثر من نوع انا اخترت " ميلودي " 

في منها لونين اتوقع 

هالآله لها ميزات وايد حلوه و هذا اللي خلاني اخذها 

اول ماتشترين الجهاز يكون معاها علبه فيها 6 نكهات 

<< صراحه ماجربتهم 

انا بالنسبه لي هالجهاز مافيه عيوب ف بتكلم عن مميزاتها .. 

- الماي يسخن بسرعه مايطول 

- النكهه و الحليب جاهزين في كبسولات .

- نكهاتها كثيره و متنوعه .

- تانكي الماي يكفي اكثر من استخدام .

- تنظيف الجهاز جدا سهل (( اللي بيتنظف بس درج الكبسوله ))

لانه الحليب يكون في كبسوله مع النكهه اللي خذيتيها .

- متوفره في كل مكان انا اتكلم عن ( الامارات ) 

باقي الدول تقدرون تجيكون من موقعهم وين ينباعون عندكم .

...

كيفية استخدامها ؟؟ 

 هذي الصوره اول ما اشتريتها كنت توني مادري شالسالفه

شوفو اللون الاحمر يشتغل في حالتين 

اول ماتشغلينها لين يسخن الماي 

و اذا كنتي تسوين لج كوفي و خلص الماي 

و تشغلينها وتبندينها من نفس الزر 

اول ماتشغلينها خليه لين يصير الزر اخضر وبعدين حطي الكبسوله 

هذا الدرج اللي تنحط فيه الكبسوله شوفو اول صوره شفتو الشي اللي مرتفع 

مادري شسمه " خخخ " هذا ينرفع على فوق وبعدها نسحب الدرج ونحط فيه الكبسوله 

ونسكره  و نرجع الشي اللي رفعناه على فوق . . 

على كل كبسوله في مؤشر بالكميه اذا كان 3 بعد ماتدخلين الكبسوله فالدرج 

حركي الرول لـ 3 اللي موجود فوق درج الكبسوله وبعدها اختاري 

من الزر اللي فوق اذا تبين المشروب يكون حار او بارد 

في كل علبه بيكون فيه النكهه و الحليب و فوق العلبه محطوط لكم شو اللي ينحط اول

و على كل كبسوله في مؤشر للكميه مثل ماقلت تقدرون تزيدون المؤشر على راحتكم 

هذا الشكل النهائي شرايكم بس في شغل الجهاز الجمييل  

نرجعع لنكهات خذيت هالنكهات اكثر شي حبيته 

شوكوجينو من بينهم كلهم ،

بعدها خذيت كراميل لاتي واييد لزيييز 

و طلبت من امازون نيسكويك العشق 

هذا السكر اللي استخدمه من الجمعيه تلقونه ، 

وبس جذي خلصنا ان شاء الله ما نسيت شي 

الجهاز تلقونه في كارفور 

سعره بحدود الـ 800 ما اتذكر كم بالضبط ، 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Ask

http://ask.fm/fofti_

Instagram

http://instagram.com/fofti_

For Business Inquiries !

fofti.al@hotmail.com

Leave a Comment Others