Hello .. !
شخخبآرككم عسآكم بخير؟
ادري هالمره طولت عليكم كنت تعبانه وماقدرت اصور ولا اسوي شي >.<
عندي اكثر من منتج حابته و ودي اتكلم عنه لاكن ما لقيت فرصه علشان اصور
المنتجات بس ان شاء الله بحاول اجمعهم مع بعض وبنزلهم في تدوينه خاصه بالاشياء
اللي حبيتها بالفتره الاخيره خصوصا بعد ماشفت تدوينة مفضلاتي لشهر 5 كانت
الاعلى مشاهده . .
هالمره بتكلم عن منتجات خلصتها يمكن كتبت عنها من قبل فالانستغرام بس بما
اني ماكتبت عنها اهني فالمدونه ف بحذف كل الصور الخاصه بالمنتجات اللي بعرضهم اليوم
وبرجع انزلهم مره ثانيه كـ تجديد و يمكن في معلومات ماذكرتها عن المنتج ،
ماعرفت شو اكتب عنه لاني دايما كنت استخدمه حق ويهي وشعري بس ما اتذكر انه غير شي
او سوا شي مابي احكم عليه الحين ان شاء الله مره ثانيه
.
.
ماسك للشعر يتكون من الاعشاب و الارز وايد احبه يعطي نعومه للشعر و لمعان
وترطيب مناسب جدا للشعر الجاف ، اللي شعرهم دهني ما اتوقع يحتاجونه انا شعري دهني بس
استخدمه للجزء السفلي من الشعر ورييحته جمييله و هاديه تحطينه لمدة ٣ دقايق . .
سعره مايتعدا ال40 بس ما اتذكر كم بالضبط
تلقونه في صيدلية بوتس
تونر من ديور وااايد اححبه واحلى شي في بعد ماتخلصين تمسحين الميك اب
بمزيل استخدمي هالتنور بتشوفينه يشيل بقايا الميك اب
سعره 130 درهم اتوقع مب متأكده
خذيته من سيفورا
تونر كليراسل لحبوب الشباب . .
اول ما استخدمته كنت منزله عنه بوست ماعجبني فالانستغرام بس صراحه ظلمته
منتج جميل اللي خلاني اذمه كنت استخدمه اكثر من مره فاليوم على كامل الويه و دايما معروف منتجات الحبوب تجفف فـجفف لي بشرتي بشكل فضيع و انا اكره شي عندي بشرتي تقشر وفوق هذا كله بديت احس بحراره في ويهي وماكنت احط بعده مرطب
طريقة استخدامه : حطوه بس على مكان الحبه افضل علشان يجفف الحبه بس ومايجفف باقي الويه
سعره بحدود الثلاثين اتوقع تلقونه فالصيدليات
. .
مزيل مناكير برجوس احبه لانه اسهل شي علشان تشيلين المناكير
يوفر عليج الوقت و الجهد p:
سعره حدود الثلاثين تلقونه في بوتس و سنتربوينت
زيت المكاديميا زيت خذا ضججججججه كبييره من اجانب و عرب
قريت عنه ريفيوات وايد انا ماحبيت اخذ المجموعه كامله احسها ماتناسبني
بس مره كنت في نزيه وشفت هالعلبه الصغيره وقلت اجربها هي نتفه العلبه بس
طولت معاي يعني احس هالعلبه الصغيره تكفي لاتشترين العلبه الكبيره
المهم رايي فالمنتج حبيته احطه حق اطراف الشعر يعطي نعومه ولمعه و كميه بسييطه
جدا تكفي لاتحطييين وايد علشان لايبين شعرج مدهن
سعره 31 درهم
تلقونه في نزيه
شامبو فتشي شامبو علاجي مضاد للقشر و الحكه
الشامبو خالي من السولفات و البارابين
صراحه ما حسيت انه خفف الحكه او القشره عطيته فرصه اكثر من مره
باخذ منه النوع الثاني و بشوف لانه اغلب اللي قالولي عن فتشي يستخدمون النوع الثاني
بس انا خذيت هذا بالغلط استمريت عليه بس ماشفت نتيجه بجرب الثاني و اكيد بكتب رايي فيه
سعره 76 درهم
تلقونه فالصيدليات ،
هاند وش من ماركس اند سبنسر خذيته
ما اقدر احكم عليه كـ هاند ووش صراحه لاني خلصته على جسمي هههههههه
كنت ماخذتنه على اساس انه شور جل !! كيف تحول ما ادري المهم ريحته عاديه
احس مايستاهل تشترونه لا كـ هاند وش ولا كـ شور جل
و بس هذا كل اللي عندي اتمى تستفيدون و لو شوي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Ask
http://ask.fm/fofti_
Instagram
http://instagram.com/fofti_
For Business Inquiries !
fofti.al@hotmail.com
0 comments:
Post a Comment