بروتين شيك \\ The Slender Blend Protein

بسم الله الرحمن الرحيم 

صبـاح / مسـاء . . الخير ،

؛ اتمنى تكونون  في تمام الصحه و العافيه ؛ 

قبل فتره نهاية السنه اللي فاتت قلت بكتب لكم طريقتي في تحضير البروتين شيك 

و مع اني مصوره وكل شي جاهز بس نسيت 😬

سبق وتكلمت بشكل تفصيلي عن البروتين هذا تقدرون تستخدمون اي بروتين عادي 
انا اسوي سموثي بروتين لان ماحب طعم البروتين 
طبعا هذي طريقتي القديمه و الحين غيرتها بكتب طريقتي القديمه اللي على اساسها صورة التدوينه و الطريقه الجديده في تغير بسيييط ، 


كل اللي تحتاجونه 
- بروتين اي نوع انتو تحبونه " الكميه على حسب احتياجكم "
- حليب اي نوع تحبونه و الكميه اللي تبونها
- 4 او 5 حبات فراوله 
- 1 موز 
- اناناس " اختياري " الطعم يطلع رهييييب مع الاناناس
- ملعقة عسل " العسل اللي فالصوره من ايهرب احبه وايد حلوو اكثر من مره طلبته 
- مكعبات ثلج 

" الطريقه "

احط كل شي بالخلاط و يطل الناتج سموثي بروتيني لذيذ جدا طبعاً السعرات بتكون عاليه لان فيه فواكه وحليب وعسل

الطريقه الثانيه نفس الاولى بس بدل لا احط ملعقة عسل احط ملعقة بينت بتر وايت جوكلت

وبس 

😍💜

1 comment Food, LifeStyle

مشترياتي + تجربتي للأكل الكوري

بسم الله الرحمن الرحيم 

صبـاح / مسـاء . . الخير ،

؛ اتمنى تكونون  في تمام الصحه و العافيه ؛ 

صارلي فتره طويله بخاطري اجرب الجاجانغ ميون و الدكبوكي الكوري

دورت على موقع يكون فيه كل اللي ابغيه بدل لا اطلب من كل موقع بروحه

لان لقيت كل منتج ابغيه بس ف موقع مختلف هالموقع الوحيد اللي لقيته وفيه اللي ابغيه بالضبط

تحمست وطلبت اكثر من شي ، الحلو فالموقع مب بس اكل كوري في بعد ياباني و اتوقع صيني 

الجاجانغ ميون عباره عن معكرونة فول الصويا طبعا من اكثر الاشياء اللي كان ودي اجربها 

طعمها مش سيء لاكن من الاشياء اللي مابرجع اجربها معلبه بس اذا زرت كوريا بجربها ان شاء الله 

جيده لاكن ماتستلذين وانتي تاكلينها ! 

كعك الأرز .. دايما اشوفه فالمسلسلات و احسسه لذيذ اول مابطلت العلبه ! 

شكله مايشهي خخخخ حتى بعد ما جهزته ماتحمست اجربه ،، 

ماعجبني صراحه ابدا 

" طريقة تحضيره  "

بسكوت اعواد " ياباني " يذكرني بتبع لوته الكوري اللي كرتونه اخضر هذاك لذيييذ بششكل يجننن 

لكن هذا كان عادي جيد " يمشي حاله يعني "  

شبس دكبوكي بعد ماحبيت " مافيه طعم !"  كأني اكل بس سكر 

براوني صراحه ماجربته 

، ، ، 

بشكل عام اكتشفت انه الاكل الكوري غيير محبب لـ قلبي عكس مسلسلاتهم الجميله 

طبعا اكيد هذا يرجع لـ ذوق الشخص يمكن غيري جرب هالاشياء و حبها 

كنت مفكره احط رابط الموقع بس بما انه ماحبيت الاشياء فـ ماله داعي 

1 comment Food, korea

مشترياتي للمره الثانيه من ايهرب + تقييم المنتجات

بسم الله الرحمن الرحيم 

صبـاح / مسـاء . . الخير ،

؛ اتمنى تكونون  في تمام الصحه و العافيه ؛ 

من فتره على " سناب الانستغرام " اللي متابعيني اكيد جافو مشترياتي الغذائيه من ايهرب 

طبعا اكيد كلكم تعرفون ايهرب و اللي مايعرفه تكلمت من قبل عنه في موضوع سابق 

عن مشترياتي من ايهرب هنا 

هالمره مشترياتي تقريبا كلها غذائيه بقيم المنتج بالنسبه لي يمكن غيري يختلف رايه 

و تقدرون تقرون تقيمات الناس بعد تحت المنتج فالموقع نفسه . . 

Read more | المـَزيد

Leave a Comment Food, Haul

Switch Restaurant . .

آلسلام علييكم و رحمة الله و بركاته . . 

شخببآرككم ؟ 

آليوم آلتدوينه عن مطععم جدا مميز وكان ودي من زمان آجربه ، 

Switch Restaurant 

الصوره مب من تصويري 

ما قدرت اصور المطعم من داخل لان كان وايد زحمه ، 

مثل ماحبيت وااااايييد اشياء في هالمطعم في اشياء ماحبيتها ، 

اكييد بذكرالاشياء اللي حبيتها و الاشياء اللي ماحبيتها من وجهة نظري 

لان ممكن في ناس ما كان عندهم اشكاليه في الاشياء اللي ماعجبتني 

المطعم ما شاء الله عليه اقبال كبير و دايما يكون زحمه 

Read more | المـَزيد

Leave a Comment Food

مطعم Texas Roadhouse

بسم الله الرحمن الرحيم

شخبباركككم جنه يازتلي سالفة التدوين p;

المهم هالمره التصوير بكاميرا الفون iphone 5s

و التعديل كان على كذا برنامج من الايفون . .

طبعا انا كنت رايحه عشان اتسوق و مريت مطعم تكساس اتغدى

الغدى كان وايد بوقت ع الساعه ١١ جذي :]

Texas Roadhouse 

نبذة عن المطعم . .

قصة تكساس رود هاوس باختصار هي طعام أسطوري مع خدمة أسطورية في جو من المرح الأسطوري 

نحن نفتخر بشرائح اللحم المقطعة باليد وأضلاع العجل المطهية جيداً لدرجة أنها تسقط عن العظم لوحدها إضافة للأطباق الجانبية المحضرة من مواد طازجة دون أن ننسى الخبز الذي نخبزه لكم طازجاً. كل ما نقدمه لكم تقريباً نصنعه يدوياً بأنفسنا، وتأتيكم وجباتنا بأحجام كبيرة بحيث تحصلون على أكثر مما دفعتم، وبالطبع إذا أردتم إنهاء وجبتكم بشراب المارغاريتا فلكُم ذلك أيضاً.  ليس طعامنا هو كل ما نشتهر به، فمطعم رود هاوس يقدم لزبائنه مرحاً أسطورياً مع راقصي رقصة اللاين وصندوق الأغاني (جوك بوكس) ناهيك عن موظفينا الودودين لنضمن استمتاعك بكل لحظة من وقتك في رود هاوس .

"النبذهـ منقوله للامانه"

المطعم من برع . .

المكان راقي وجميل ولما تدخلونه تحسون بأجواء ولاية تكساس من حيث الاغاني و الرقصات طبعا انا ماشفت بس سمعت لان كان العمود مغطي عليهم . . بس فالعاده هم ينتشرون في المحل بس لان كان اول الصبح و نحن كنا اول ناس ههههههه

لمحبين اللحوم في مكان مخصص لبيع اللحوم فالمطعم اول ماتدخلون تقدرون تشترون من عندهم لحم طازج و تطبخونه فالبيت ع الطريقه اللي تحبونها . . .

Read more | المـَزيد

Leave a Comment Food