بسم الله الرحمن الرحيم
شخبباركككم جنه يازتلي سالفة التدوين p;
المهم هالمره التصوير بكاميرا الفون iphone 5s
و التعديل كان على كذا برنامج من الايفون . .
طبعا انا كنت رايحه عشان اتسوق و مريت مطعم تكساس اتغدى
الغدى كان وايد بوقت ع الساعه ١١ جذي :]
Texas Roadhouse
نبذة عن المطعم . .
قصة تكساس رود هاوس باختصار هي طعام أسطوري مع خدمة أسطورية في جو من المرح الأسطوري
نحن نفتخر بشرائح اللحم المقطعة باليد وأضلاع العجل المطهية جيداً لدرجة أنها تسقط عن العظم لوحدها إضافة للأطباق الجانبية المحضرة من مواد طازجة دون أن ننسى الخبز الذي نخبزه لكم طازجاً. كل ما نقدمه لكم تقريباً نصنعه يدوياً بأنفسنا، وتأتيكم وجباتنا بأحجام كبيرة بحيث تحصلون على أكثر مما دفعتم، وبالطبع إذا أردتم إنهاء وجبتكم بشراب المارغاريتا فلكُم ذلك أيضاً. ليس طعامنا هو كل ما نشتهر به، فمطعم رود هاوس يقدم لزبائنه مرحاً أسطورياً مع راقصي رقصة اللاين وصندوق الأغاني (جوك بوكس) ناهيك عن موظفينا الودودين لنضمن استمتاعك بكل لحظة من وقتك في رود هاوس .
"النبذهـ منقوله للامانه"
المطعم من برع . .
المكان راقي وجميل ولما تدخلونه تحسون بأجواء ولاية تكساس من حيث الاغاني و الرقصات طبعا انا ماشفت بس سمعت لان كان العمود مغطي عليهم . . بس فالعاده هم ينتشرون في المحل بس لان كان اول الصبح و نحن كنا اول ناس ههههههه
لمحبين اللحوم في مكان مخصص لبيع اللحوم فالمطعم اول ماتدخلون تقدرون تشترون من عندهم لحم طازج و تطبخونه فالبيت ع الطريقه اللي تحبونها . . .
الصوره كانت سريعه و نسيت اصوره اول مايابوه :(
"عند البطون تعمى العيون " p;
هالخبز من ضمن مقبلات المطعم نفسه يعني ضيافة المطعم
و هذا الخبز لزييييز جدا يقدمونه مع شي نفس الروب بس مادري شو صراحه هههههههههههه
انصحكم تقضون عليه ولاتخلون حد ياكله وياكم خخخخ
 |
إلى جانب الخبز يقدمون الفول السوداني اللي مشهور وايد في تكساس بطريقه وايد حلوه
طلبنا نوع واحد من المقبلات على مايوصل الاكل
Boneless Buffalo Wings
كان حلو بس مب وااااو يعني اعطيه 4\5
هالعصير لذيييذ قالت لي القرسونه انه هذا البيست عندهم وقتلها يالله نجرب شورانا
لذييييذ حبيته اسمه cowboy
وهذا طبقي اللذييييذ <3 <3
عباره عن قطعة فيليه مع مشروم صوص و بطاطا مع جييز الستيك طري مب شرات بعض المطاعم
اللي تتصارعين ويا الستيك على ماينقص ، في منه احجام يعني كل شخص يختار الحجم اللي يباه مع الاضافات اللي يباها
هذا طلب الوالد . . الحركه متعوب عليها ترا
ابوي وايد عيبه طلبه بس ما اتذكر شو كان طالب $:
واخر شي طلب جاي مادري اذا حلو ولا لا ماسئلته
و اخر شي تقيمي على المطعم
المكان و الخدمه و السعر و الاكل 10 \ 10
من ناحية الخدمه وايد حبيت خدمتهم ٢٤ ساعه يباشرون الزباين و يسئلون اذا الاكل اوكي ولا لا
يروحون و يرجعون يسئلون تبون شي ولا لا يعني باشرونا لي ماطلعنا و الموظفين محبوبين و يعاملون الزباين
بطريقه وايد لائقه . .
من ناحية الاسعار مناسبه للجميع . .
وحان وقت الرجوع إلى المنزل P:
وخلصنا تدوينة اليوم بسلام اتمنى اشوف تفاعل منكم عشان اكمل مسيرتي في التدوين ههههههه
و بيباي ،
0 comments:
Post a Comment