بسم الله الرحمن الرحيم
صبـاح / مسـاء . . الخير ،
؛ اتمنى تكونون في تمام الصحه و العافيه ؛
؛ اتمنى تكونون في تمام الصحه و العافيه ؛
من فتره طويله يمكن ثلاث او اربع سنوات شفت خلطه للشعر في اكاونت وحده من البلوقر اللي جدا احبهم و اثق في رايهم
و بين فتره و فتره اسويها صراحه ما اقدر احكم على الخلطه لاني كنت اسويها بين فتره و فتره و بعد كنت اغير ما اثبت على نوع معين من الخلطات احيانا اسوي بالافوكادو احيانا بس زيوت و جذي يعني ،
بس تعتبر هالخلطه جدا مفيده للشعر لان مكوناتها لها وايد فوايد للشعر تقدرين تسوينها كـ نوع من الاهتمام بالشعر
يعني مب لازم انتي تترين من هالخلطه مثلا انها تطول شعر او تنعمه لان في بنات مثلا تبا خلطه تسويها مره في حياتها تسوي شعرها حرير او تطوله لا مافي شي يستوي بدون استمرار وانا عني صراحه بعد يعني ممكن اسويها هالاسبوع بس الاسبوع اللي بعده مثلا مالي خلق جذي يعني ف بالنسبه لي المهم اني اسوي ع الاقل مره او مرتين
بسم الله نبدا
الخلطه هذي مثل ماقلت مفيده للشعر لان المكونات كلها طبيعيه تساعد على تطويل الشعر و اعطائه لمعه صحيه و نعومه
" مع الاستمرار " مافي شي بدون استمرار و النتيجه ماتطلع في يوم وليله
: : المكونات : :
- علبة زبادي
- عسل
- عصير ليمون
- زيت ' اي نوع '
- مايونيز للشعر " اختياري "
فائدة الزبادي : يحتوي الزبادي على الكثير من المواد الغذائيه اللتي تعمل على ترطيب و حماية الشعر من الجفاف و منحه القوه و اللمعان و لتعزيز نموه من جديد و التخلص من الحكه
فوائد العسل : يمنع تساقط الشعر ويقوي بصيلات الشعر ، يقلل من القشرة والحكة التي تصيب فروة الرأس ، و يعد العسل مطرياً طبيعياً للشعر ، و هو أحد مضادّات الأكسدة الطبيعية ، ممّا يساعد على توفير بيئة صحيّة لفروة الرأس ، إضافة إلى تحفيز نمو الشعر. يحتوي العسل على محتوى عالٍ من السكر، مما يساعد على الاحتفاظ بالرطوبة و يزيد من لمعان وتألق الشعر .
فوائد الليمون : تخليص الشعر من القشره ، تقوية الشعر و المساهمه في تطويل الشعر ، تخليص الشعر من التساقط
مايونيز الشعر : هالمنتج وايد حبيته للخلطات و ريحته جدا جدا جميله جربته بدون خلطه و جربته مع خلطه حبيته اكثر مع الخلطات صراحه ماقمت استخدمه بروحه احسه يخلي شعري يدهن بسرعه لاكن ممتاز جدا مع الخلطات
يطري الشعر و يعطيه لمعه و يحتوي على اعشاب عضويه و زيت الزيتون و بروتين البيض
: : مقادير الخلطه : :
- علبه زبادي كامله
- ملعقة عسل
- ملعقة عصير الليمون
- ملعقه من اي زيت تفضلينه
. .
تخلطين كل المكونات مع بعض و تخلينه على الشعر لمدة ساعه
0 comments:
Post a Comment