بسم الله الرحمن الرحيم
صبـاح / مسـاء . . الخير ،
؛ اتمنى تكونون في تمام الصحه و العافيه ؛
من فتره على " سناب الانستغرام " اللي متابعيني اكيد جافو مشترياتي الغذائيه من ايهرب
طبعا اكيد كلكم تعرفون ايهرب و اللي مايعرفه تكلمت من قبل عنه في موضوع سابق
عن مشترياتي من ايهرب هنا
هالمره مشترياتي تقريبا كلها غذائيه بقيم المنتج بالنسبه لي يمكن غيري يختلف رايه
و تقدرون تقرون تقيمات الناس بعد تحت المنتج فالموقع نفسه . .
Almond and Pistachio Biscuits
حبيت اهتمامهم مغلفينه عدل عشان لايتكسر
بسكوت باللوز و الفستق وايد حبيت طعمه بس مشكلته يابس وايد
يعني ابدا لاتفكرين تخلين عيوز تاكل
بسكوت باللوز و الفستق وايد حبيت طعمه بس مشكلته يابس وايد
يعني ابدا لاتفكرين تخلين عيوز تاكل
منه لان ممكن تدعي عليج من كثر ما هو يابس
Rice Cakes, Wholegrain
كعك الارز بالحبوب الكامله لايحتوي على مواد معدله وراثيا و خالي من الدهون و الغلوتين
القطعه الوحده قليله بالسعرات فـ يعتبر سناك صحي
القطعه الوحده قليله بالسعرات فـ يعتبر سناك صحي
تعرفون الفلين ! بالضبط وانتي تاكلينه تحسين نفسج تاكلين فلين
وانا مسويه فيها يعني باكل سناك صحي ماحبيته ابدا
و مثل ماقلت لكم فالبدايه كل شي يعتمد على الذوق
امي و اليهال حبوه اما انا لا
& FlapJacked, Mighty Muffin with Probiotics, Double Chocolate S'mores
مافن خالي من الغلوتين وفيه نسبه عاليه من من البروتين " 20 غرام بروتين "
و نسبة الالياف فيه عاليه ايضا منخفض الكوليسترول و خالي من الدهون المتحوله
وايضا مايحتوي على مواد معدله وراثيا
-الدبل جوكليت : صراحه ماحبيته الطعم مر واغلب اللي ماحبوه بهذا السبب انا عني ماحب الاشيا اللي وايد مره . . مثل ماقريت البعض يضيفون له سكر بس اتوقع بهالطريقه مابيكون صحي لان المنتج نفسه فيه 6 غرام سكر فـ اذا انتي متبعه نظام غذائي صحي ماينفع تضيفين زياده بعد سكر
فـ للي ماعندهم مشكله مع الاشياء المره بيحبونه اما اللي مايحبون الاشياء المره لاتجازفون
بس يعتبر منتج صحي للناس الصحين . .
- سمورز : صراحه ماجربته للحين بس مثل ماقريت انه احلى من الدبل جوكليت
Nestle Hot Cocoa Mix, Rich Milk Chocolate Flavor
حليب الككاو الساخن ، يحتوي على 6 مغلفات
طريقة تحضيره جدا سهله بس تضيفون ماي او حليب طبعا تسخنونه
رايي :
طعمه قريب وايد من النسكويك جربته مع الماي حسيته عادي يمكن انا ضفت وايد ماي الافضل ماتكثرون من الماي
عشان الطعم يكون شوي مركز و الافضل تستخدمون حليب بدل الماي
و اللي يحبون يضيفون سكر بعد عادي
طريقة تحضيره جدا سهله بس تضيفون ماي او حليب طبعا تسخنونه
رايي :
طعمه قريب وايد من النسكويك جربته مع الماي حسيته عادي يمكن انا ضفت وايد ماي الافضل ماتكثرون من الماي
عشان الطعم يكون شوي مركز و الافضل تستخدمون حليب بدل الماي
و اللي يحبون يضيفون سكر بعد عادي
Natrol, Biotin, Maximum Strength, 10,000 mcg
مكمل غذائي للشعر و الاظافر من افضل المبيعات في ايهرب
صراحه حسيت خف التساقط عندي بشكل كبير اظافري وايد كانو يتكسرون الحين الحمدلله خفت المشكله
طبعا انا ما اقدر احكم على المنتج بشكل نهائي لاني بعدني ماكملت شهر من بديت استخدمه
من مميزاته اللي حبيتها
نباتي 100 ٪ ، الحبه جدا سهله فالبلع
طريقة الاستخدام :
حبه وحده باليوم بعد الاكل
Creamy Peanut Butter
من افضل المبيعات بعد في ايهرب بس سبق وذكرت يعتمد على الذوق
المنتج نباتي و خالي من الدهون الغير مشبعه و المهدرجه و خالي من الكوليسترول و ايضا خالي من الغلوتين
ولايحتوي على مواد معدله وراثياً
المنتج ممتاز من جميع النواحي بس انا ماحبيته
Sahale Snacks, Sahale Crunchers Almond , Parmesan Cheese + Herbs
لوز مع جبن البرميزان و الاعشاب
خالي من الغلوتين ، الدهون الغير مشبعه و الكوليسترول
يعتبر وجبه خفيفه صحيه ولذيييييذه جدا الطعمم !! يصدم والله ههههههه
لذذيييذ لذييييذ انصصصح وبشدده فيه
تقدرون تحطونه فالمعكرونه فالسلطه انا احطه مع الكورن فليكس =)
Cashews, With Pomegranate + Vanilla
كاجو بالرمان و الفانيلا
اول مره جربته ماعرفت احدد رايي ما تقبلته بعدين حبيته تحسون الطعم غريب اول ماتاكلونه
انصح فيه بس اللوز احلى
خالي من الغلوتين ، الدهون الغير مشبعه ، الكوليسترول و النكهات الصناعيه
Bhuja, Nut Mix
بعد من الاشياء اللي حبيتها جدددا و انصحكم فيها طعمه وايد حلو
مصنوع من زيت عبادة الشمس خالي من الدهون الغير مشبعه ، الغلوتين ، المواد المعدله وراثيا ، و الكوليسترول
اذا كانت هذي اول مره تطلبين من ايهرب تقدرين تستخدمين كود الخصم : CTV566
0 comments:
Post a Comment