IHERB HAUL \ \ مشترياتي من ايهرب

بسم الله الرحمن الرحيم 

صبـاح / مسـاء . . الخير ،
؛ اتمنى تكونون  في تمام الصحه و العافيه ؛ 

IHERB

. . بما اني مواصله وماعندي شي الحين اسويه قلت اكتب تدوينه عن مشترياتي من موقع ايهرب . .

 بتكلم اليوم عن موقع جميل وايد وايد شفت عنه مواضيع وايد حلوه 

و الموقع فيه منتجات حلوه و عضويه لاكن تأكدي من خلو المنتج من مشتقات الخنزير 

او المكونات اللي ماتصلح لنا نحن كـ مسلمين 

في وايد مدونات كاتبين عن منتجات جربوها تحمست اجرب بعض المنتجات 

و خصوصا الناس الهيلثي بيحصلون وايد منتجات حلو 

مثل : سناكات ، مكملات غذائيه ، بهارات ، بروتين بارز .. إلخ 

بعض المنتجات ماجربتهم للحين مابكتب رايي بشكل نهائي عن المنتجات بس ان شاء الله في التدوينات اليايه بكتب بشكل مفصل عن تجربتي و الحين بعرض لكم مشترياتي من الموقع 

. . . 

اكثر منتجين تحمست اجربهم وفي منهم انواع ثانيه شامبو و كونديشنر من ماركة ACURE 

ACURE ORGANICS , REPAIRING SHAMPOO & CONRITIONER 

مناسب للشعر : العادي ، الجاف ، التالف ، الكيرلي 

خالي من : القلوتين ، السولفات ، البرابين ، البترول ، السيليكون 

:: وعود المنتج ::

يوفر رطوبه دائمه حتى لو الشعر جاف و تالف و يتركه لين 

يحتوي على زيت الارغان العضوي ، اوميغا 7 + 3 ، زيت بذور اليقطين 

و يساعد على إصلاح الشعر .

:: طريقة الاستعمال ::

على شعر رطب وتدلكون فيه فروة الراس و الشعر وبعدها تشطفونه 

السعر : 31 درهم 

NOW FOODS OIL

من المنتجات اللي وايد تحمست اجربهم هالزيوت صراحه عليهم مدح مش طبيعي 

وايد حلوين للشعر جربتهم فالخلطات ضروري تجربونهم 

و اكثر واحد عجبني زيت جوز الهند ممكن تستخدمينه صلب او سائل اذا خليته في ماي حار شوي و يصير سائل و اذا رجعته الغرفه يرجع يجمد وااايد حبيييته !! 

في وايد انواع زيوت من هالماركه 

Y.S. ECO BEE FARMS , PURE PREMIUM CLOVER HONEY 

انا من محبين العسل 

ماجربته فالاكل صراحه بس جربته للخلطات ف ما اعرف كيف الطعم بس الريحه جمييله 

السعر : 35 درهم

DERMA E , PSORZEMA BODY WASH 

هالماركه صراحه ماكنت اعرفها بس لما وصلتني دعوه منها لحظور ايفنت 

ولاكن للاسف ماقدرت اسير شفت عليها مدح في الفتره الاخيره بتلقونها في بوتس بعد ماطلبته عرفت انها متوفره في بوتس هالماركه 

المهم . . 

مناسب للبشرات : الحساسه و الجافه  

خالي من : البرابين " مكوناته طبيعيه "
وعود المنتج : تخفيف الحكه و احمرار وتهيج البشره

السعر : 34 درهم

NUTRIBIOTIC , SKIN CLEANSER 

هالمنتج خذته على حسب وصف وحده من البلوقر انه مناسب للبشرات الحساسه 

خالي من : البرابين و العطور 

مناسب للبشرات :  الحساسه من العطور و اللي تعاني من حساسيه الجلد 

وعود المنتج :  المحافظه على رطوبة البشره 

السعر : 25 درهم 

NOW FOODS , SOLUTIONS, HYALURONIC ACID FIRMING SERUM

خالي من : القلوتين ، البرابين 

وعود المنتج : تقليل ظهور الخطوط بشكل طبيعي حول العينين و الجبهه و الفم 

عالي بحمض الهيالورونيك مصل يملأ الخطوط الدقيقه بشكل طبيعي و يرطب و ينعم البشره 

مناسب لـ : جميع انواع البشره 

السعر : 40 درهم 

في لسته ان شاء الله حاطتنها في بالي بطلبها من هالموقع الجمييل 

http://ae.iherb.com

Leave a Comment Care, hair, Haul