بسم الله الرحمن الرحيم
صبـاح / مسـاء . . الخير ،
؛ اتمنى تكونون في تمام الصحه و العافيه ؛
؛ اتمنى تكونون في تمام الصحه و العافيه ؛
صراحه ماكنت مقرره اكتب هالتدوينه بسبب الصور لاني كنت شاله الكام على اساس بصور
فـ ماحبيت اخرب وناستي بثقل الكاميرا و خليتها فالفندق ما استخدمتها
صورت بالفون الصور مش سيئين فـ قررت اكتب التدوينه
لاكن بطوف بعض الاماكن و الصور لاني ما اتذكر بالضبط اسماء الاماكن
لاكن بطوف بعض الاماكن و الصور لاني ما اتذكر بالضبط اسماء الاماكن
سفرتي كانت لـ أذربيجان الهبه اليديده عند الخليجين و خصوصا الاماراتين اكثر السياح لهذي الدوله
اماراتين على كلام الاذربيجانين ، اذربيجان توها باديه تتطور تقريبا من سنتين و السياحه توها باديه عندهم و انا صراحه من وجهة نظري اذا جي بلادهم حلوه و هم توه بادين يطورون في بلادهم
اتوقع بعد كم سنه بتكون اذربيجان احلى و احلى بأذن الله .
:: معلومات عامه عن الدوله ::
أذربيجان ( جمهورية أذربيجان ) واحده من ست دول تركيه مستقله ، تقع بين أوروبا الشرقيه و آسيا الغربيه .
- العاصمه باكو وهي أكبر مدينه .
- اللغه الرسميه : الأذريه .
- العمله : مانات .
- الرئيس : حيدر علييف .
مابتعمق فالمعلومات لان اتوقع باقي المعلومات مش مهمه وايد واكيد اللي حاب يعرف
تفاصيل اكثر عن أذربيجان بيبحث بنفسه ويكيبيديا مايقصر
خذينا بما يقارب ساعتين و 40 دقيقه من مطار دبي الدولي إلى مطار حيدر علييف
المطار ماحسيت فيه وايد تعقيدات فالدخول يعني الوضع سهالات
شرايكم في سيارتي بس 
الجو كان جدا جدا جميل " درجة الحراره كانت 6 "
مطار حيدر علييف " شايفين الجمال ولا "
على طول من المطار للفندق
" حجزنا في " فندق فيرمونت باكو ، أبراج الشعله
فالصوره مبين من ورا المبنى الزجاجي
الفندق راقي ونظيف و اهم شي موقعه استراتيجي و الغرف واسعه و الاطلاله جميله
و كل شي متوفر فالغرفه
و سعره رخيص بالنسبه لكل هالاشياء
تقيمي للفندق من ناحية " النظافه ، الاطلاله ، الموقع ، الاكل . . . إلخ "
10\10
http://www.fairmont.ae/baku/
هذا الشي لذييييذ
وصلنا الفندق و ريحنا و بدلنا وطلبنا عشى من الفندق اكلهم حلو
انا طلبت برجر حسيت طعمه شرات برجر مطعم جابينغو لذييذ بس كبير البرجر يعني يشبع ونص
حطيت الفيديوات اللي صورتهم في فيديو واحد مب كلهم انا مصورتنهم بس جمعتتهم في فيديو واحد
لـ غرف الفندق و الريوق و الاطلاله يمكن تستفيدون منه يعني مع انه الفيديو مب حلو خخخ
؛
( ثاني يوم سرنا - Shahdag )
تبعد عن باكو تقريبا 3 ساعات
طبعا ماقدرت اصور وايد لان بررد درجة الحراره كانت 5- و تلفوني كل شوي يطفي من البرد !!
هالصوره فالدرب واحنا سايرين ( الصوره في باكو )
بعد ساعه من الطريج تبدا تبين الثلوج ع الجبال
هالصور من الدرب كنا تقريبا واصلين
وصلنا جبل شاهداغ تقريبا بعد 3 ساعات
الجبل فيه نشاطات للي يحبون تزلج و تلفريك و غيره .. في شي ماكنت اعرفه تقدرون تستأجرون
جاكيتات هناك بتلقونه اول ماتوصلون المكان
كان بررررد واحنا لابسين خفيف مب وايد ثقيل << وايد مستهينين بالبرد كنا خخخخ
دخلنا " tez bazar " عباره عن مطعم تقدر تاكل وجبه دسمه او خفيفه او مشروب ع السريع
اتوقع هو تابع لفندق زيرف اذا ماخاب ظني
مع اني مب من محبين القهوه المره ولاكن ضروري عشان نتدفى
طبعا ماقدرنا نيلس وايد لان بررررد و سبق وذكرت انه لبسنا كان خفيف !
واحنا فالرده تغدينا في مطعم ع الدرب كان اكله حلو واهم شي الاكل حلال و اللحم مافيه طعم خايس
" ماصورت كل الاكل تعرفون " عند البطون تعمى العيون 
الصوره هذي كان اخر طبق يابوه و ماكليناه لان بس شبعنا ماكنا ندري انه في شي بعد ماوصل خخخ!
فالدرب السواق وقف يصب ماي لان ماي المشاش ثلج ! فـ صورة هالصور
امانه جوهم مايرد الروح
بعدها مرينا سوبرماركت قريب الفندق
( شبس الليز مالهم يا انه لذيييذه ) < انا من الناس اللي ضروري ازور جمعيات لما اسافر
بعدها رجعنا الفندق ( الصوره في احد الشوارع القريبه من الفندق )
( ثالث يوم : سرنا اكثر من مكان )
- حديقة الشهداء او يسمونها ممر الشهداء اذا ماخاب ظني
" الحديقة التي تضم رفات العديد من الشهداء الذين سقطوا دفاعا عن استقلال الوطن عن الاتحاد السوفييتي "
من حديقة الشهداء كملنا مشي و مادري وين سرنا
بس المناظر ما شاء الله جدا جدا جميله
مايخرفن هالمنظر ؟؟
بعدها ركبنا هالشي مادري هو تلفريك ولا قطار ولا شو وضعه خخخخ عشان نسير متحف السجاد قريب وايد من حديقة بولفار
- متحف السجاد
" بس انا اشوفه بتاع كلو في كذا شي يعني ما احسه مخصص بس للسجاد "
حبيت اللبس
( فندقنا مبين اوضح هني فيرمونت ابراج الشعله )
- حديقة بولفار
تكسي لندن
شوفو العروسه هناااك يتصورون
تمينا نمشي لين وصلنا المدينه القديمه جوهم يساعد على المشي
فن !!
عندي صور احلى بس مادري وين سارو !
كملنا مشي لين فونتان سكوير اتوقع جي اسمه
جميييل المكان و يفتح النفس حق التمشي فالليل احلى بس نحن كنا سايرين الصبح
انا ما اقول غير الله يرزقنا بس
كنتاكي مالهم لذيييييذ يعطي اللي عندنا واحد صفر
\\
سرنا كذا مول من مولاتهم حلوين بس عادين يعني صراحه السوق عندنا يعتبر افضل من
سوقهم وايد لاكن الطبيعه و الجمال و الاشياء الزينه عندهم
سوقهم وايد لاكن الطبيعه و الجمال و الاشياء الزينه عندهم
اغلب الصور صورتهم حق سناب فـ الحين ماعندي غير عدد محدود من الصور حق التدوين
كلينا كنافه والله لذيييييييذه بشكل يخوف 
من كافيه MADO موجود عندنا في دبي مول
الحين الحسبه اتلخبطت عندي خخخ مادري هذا اي يوم بس المهم يعني
عادي اعفس الدنيا و الاماكن الحين عندي زهايمر ههههههههه
المهم
زرنا معبد النار
تخيلو هالنار من سنين ! والله شي اسطوري
ماعرف وين هالمكان نسيت
بس هي مثل قلعه اسمها يمكن قبلا او شي جي
:: رايي فالبلاد ::
طابع المباني اوروبي فخم هالنوع من المباني يجذبني و الحلو فيها انه في بعد بتشوفون مباني اثريه قديمه اسوار وقلاع شي جدا جميل خلط الماضي مع الحاضر ، اهتمامهم بالتفاصيل الصغيره
مثلا الاماكن اللي فيها يشتغلون العمال و فيه كركبه و وصاخه مسوين جدار يحجب هالمنظر
بحيث انج وانتي ماره ماتشوف هالمنظر طبعا اكيد بتقولون كيف عرفتي
ياني فضول ابا اعرف شو ورا هالجدران لان في وايد جدران كل ماتمرين مكان بتشوفين جدار ف في فتحات صغيره يبين منها شوي . . حبيت صراحه النظافه عشقتها من اول زياره
\\
عبالكم خلصت 
لا طبعا . . الامان من اكثر ميز هالدوله اللي شفتها !
ماتخافين وانتي تمشين حتى فالليل لأن الأمن في كل مكان و الشرطه منتشره في كل شارع
و الشعب اساسا كله يمشي يعني تشوفين كل مكان الناس يمشون
- الشعب راقي ماله شغل فيج لا احد يكلمج و لا احد ينفس عليج
ولاكن في مشكله وحده لو بغيتي مساعده شوي صعبه لانه مايعرفون لا عربي ولا انجليزي
الا قله قليل جدا . .
الجو طبعا ولا غلطه في حد مايحب البرد انا احب البرد بس بعد لازم تتدفون عدل يعني لانه البرد بارد
اصلا حتى الحر عندهم ولا شي صوبنا نحن الحر عندنا عباره عن حمام ساونا خخخ
هم حرهم يرد الروح << مبين اني عاشقه هالدوله 
و اهم نقطه و اهم شي عند الخليجين الاكل اغلبه حلال يعني ماتخافون انه تيوعون خخخ
. .
فالنهايه اتمنى حبيتو التدوينه كنت اتمنى انها تكون افضل من جذي
بس للاسف هذا اللي قدرت عليه و ان شاء الله الجايات اكثر
اتمنى مايحذفون الفيديو اليوتيوب بسبب حقوق الاغنيه
و شكرا
0 comments:
Post a Comment