Morphe Eyeshadow Palette Review | | ريفيو : باليت مورفي

بسم الله الرحمن الرحيم 

صبـاح / مسـاء . . الخير ،
اتمنى تكونون  بـ تمام الصحه و العافيه . .

من فتره سمعت وايد مدح على شدوات مورفي و البرشز مالهم

فـ طلبت من الموقع باليت شدوات و خذيت بعد الشدوات المنفصله 

كنت مقرره اخذ " 350 - COLOR NATURE GLOW EYESHADOW PALETTE "

تغير عن المعتاد هو مابيكون وايد تغير يعني بس فيه درجات البرتقالي و انا ماعندي وايد من 

هالدرجات دايما اتجه للشدوات البنيه المعتاده بس طبعا مالقيته دايما اوت اوف ستوك ! 

فـ قررت اني اطلب باليت ثاني " 35K-COLOR KOFFEE EYESHADOW PALETTE "

مع الشدوات المنفصله . . 

" مورفي " ماركه امريكيه اشتهرت بجودة شدواتها و فرشها و رخص سعرها 

طبعا الماركه عندهم منتجات وايد بس اكثر شي مشهور عندهم الشدوات اسعارهم تعتبر متوسطه إلى 

 رخيصه يعني مب غاليه اوفر ولا رخيصه جدا بين البينين 

. . 

KOFFEE EYESHADOW PALETTE

 الباليت فيه 35 لون اول خمس الوان من اليمين فوق يصيحون 

طبعا الباليت وصلني لون مب موجود ! و لون مكسور اول واحد فوق على اليسار !! 

 مع انه مغلف عدل

درجات الالوان في هذا الباليت متنوعه بين شيمر و مات و الالوان واضحه مع او بدون برايمر 

 تدرجات الالوان جدا جميله و تستخدم في كل الاوقات ، الالوان جدا عمليه و سهله فالدمج .

<<>>

اسم المنتج : 35k

سعر المنتج : 22.99$ 

من الباليتات اللي انصح بشرائها 

[ 350 - 35k ]

في بعد باليتات ثانيه درجاتهم حلوه بس هذا راجع للشخص و الالوان اللي يفضلها 

. . . 

 INDIVIDUAL EYE SHADOWS

 ايضا مورفي عندها الشدوات المنفصله تقدرين تسوين الباليت الخاص فيج تختارين الالوان اللي انتي تحبينها , وجودتها حلوه و سعرها جدا رخيص ! انا خذيت كم لون اجربهم و وايد حبيتهم 

بس في سلبيه في شدوات مورفي شوي يتناثرون 

للي حابه تطلب اللون تضغط على الاسم 

اول واحد من فوق ( Swine ) ثاني واحد من اليسار ( Matte ) ثالث واحد من اليسار ( Peanut ) 

الاثنين اللي على اليمين  . . اول واحد فوق ( Peekaboo ) ثاني واحد ( Candy Bloom ) 

رابط الموقع 

هنا 

Leave a Comment Makeup