بسم الله الرحمن الرحيم
صبـاح / مسـاء . . الخير ،
اتمنى تكونون بـ تمام الصحه و العافيه
اتمنى تكونون بـ تمام الصحه و العافيه
؛
؛
كانت الرحله جدا قصيره
طيارتنا كانت يوم الاثنين الساعه 9 ونص تقريببا فليل من مطار دبي
وصلنا 3 ونص الفجر بتوقيت الامارات و 6 ونص الصبح بتوقيت بانكوك يعني ( الثلاثاء )
طبعا ملل اكره اليلسه فالطياره فالسيره شفت مسلسل كان سخيييف ماقريت عنه اي شي بس على
طول حملته اسمه masked prosecutor ابدا مب حلو تندمت ف طول الدرب كان ملل لاني ماقدرت
اكمله طبعا " المسلسل كوري "
بس فالرجعه شفت oh my ghost جمييييل جدا بس بعد ماقدرت اكمله لاني كنت نعسانه اقوا شي
كل شوي اخذ غفوه وما ادري شالسالفه فـ وقفت علشان اكمله فالبيت واشوفه عدل لان وايد جميل
المهم تقريبا خذنا بما يقارب 40 دقيقه من المطار لـ الفندق
كان الجو جدا جميل و مطر خفيف
خلينا جنطنا فالفندق لانه كان بعده وقت على مانستلم الغرف فـ سرنا ستاربكس
على ماتجهز الغرف
صورت كم صوره و نحن في طريجنا لـ ستاربكس
هالصوره بالضبط جدام ستاربكس
يلسنا شوي فـ ستاربكس بعدها سرنا ناخذ خطوط علشان نسوي خدمه
وبعدها سرنا الفندق علشان نبدل وبعدها نطلع
اول يوم . . اللي هو نفسه اول يوم وصلنا بعد ما ريحنا شوي سرنا ( سيام - بلاتينيوم )
مركز سيام باراجون - Siam Paragon Shopping Centre
" الصوره من النت لاني ماصورته "
من اكبر المولات في بانكوك ، يتكون من 5 طوابق و سرداب " فيه الاكواريوم "
يحتوي على ماركات عالميه و ازياء راقيه و حوض مائي و مجموعة مطاعم عالميه و مسارح و سينما
الطابق الرئيسي هو الطابق اللي فيه الماركات العالميه اما الطابق الاول فيه الماركات اللي اسعارها متوسط ، الطابق الثاني و الثالث فيهم محلات اجهزه و معارض سيارات وصالونات
اما الطابق الرابع فيه مجموعه متنوعه من المطاعم و المتاجر مثل " الحرف اليدويه ، السلع التذكاريه . .
يفتح الساعه 10 ص و يسكر 10 م
بلاتينيوم مول - Platinum Fashion Mall
" الصوره من النت "
مجمع مكون من اربع طوابق فيه ملابس بأسعار جدا رخيصه و قصاتهم وايد حلوه
المتينه لاتفكر ابدا تسير له لان مقاساتهم صغيره حق الرشيقات
( هذي الصوره من داخل صورتها )
ثاني يوم . . ( دريم ورلد - سنترال امبسي - سنترال ورلد - و بيق سي )
دريم ورلد - dream world
اكثر الصور صورتها في هالمكان لانه جميل
دريم ورلد برا بانكوك بس مادري صراحه كم خذينا من بانكوك للمنطقه اللي فيها هالملاهي
فيها تلفريك و فيها حديقه و العاب و مدينة ثلج بس صغيره مب كبيره وعاديه بالنسبه لباقي المكانات اللي فالملاهي ، فيها وايد اشياء بس صراحه ما شفنا كل شي فيها لانها كبيره
و الجو ماكان يساعد بس قضينا فيها وقت طويل يعني مب شويه من الصبح للعصر
و الجو ماكان يساعد بس قضينا فيها وقت طويل يعني مب شويه من الصبح للعصر
كييوووت
بعد دريم ورلد مرينا " 7eleven "
لازم تمرونه ترا عندهم اشياء حلوه 
في اشياء ماصورتها بس اهم شي الاكلليز البرتقاليه و اللي حذالها الخضرا يمشي حالهم يعني مب لذيذات و الباقين بعدني ماجربتهم
سنترال امبسي تقريبا شرات سيام ماركات
سنترال ورلد - central world
كنت ادور بودرة كوفر مارك متكلمه عنها حنان النجاده فـ مكتوب ماركة كوفر مارك موجوده في زين
ونحن على بالنا زين مجمع غير عن سنترال بس الحمدلله سئلنا فالفندق و قال لنا انه سنترال نفسه زين
اول مادخلت سنترال ورلد سرت على طول زين علشان اخذ البودره الحمدلله لقيتها بس الكوفر مالها مخلص لان البودره تنباع منفصله عن الكفر
بعدها مرينا بيق سي هالمجمع حبيته مختلف تماما عن باقي المجمعات
كله ماركات تايلنديه بس ماصورته
و فيه جمعيه فوق بس حسافه نحن وصلنا متأخر و كانوا المحلات اغلبهم مسكرين
،
هالصوره بس اللي صورتها اخر يوم دخلنا جمعيه و مجمع صغيير مادري اذا هو مجمع ولا انا ألفت من راسي
بعد ماخلصنا نتمشى في هالفريج رجعنا الفندق نجهز اغراضنا علشان نسير المطار
خذيت ميك اب من شيمورا بس اتوقع انه مايمديني استخدمه لاني ببدا علاج للبشره
اذا في شي يستاهل اتكلم عنه بنزله ان شاء الله في بوست منفصل
0 comments:
Post a Comment