بسم الله الرحمن الرحيم
صبـاح / مسـاء . . الخير ،
اتمنى تكونون بـ تمام الصحه و العافيه
اتمنى تكونون بـ تمام الصحه و العافيه
؛
هالـمره التدوينه مختلفه تماما عن كل مره
بما اني من محبين الدراما الكوريه قررت اشارككم بعض المسلسلات اللي تابعتها و حبيتها
اتوقع وايد يحبون المسلسلات الكوريه فـ ممكن يستفيدون
اكثر نوع من الدراما اللي احب اتابعها : جرائم ، تحقيق ، اكشن ، طبي
طبعا ما يمنع اشوف انواع ثانيه بس الانواع اللي ذكرتها مفضله بالنسبه حقي
،
" المفروض راميون صح !! يالله مب مشكله المره اليايه خخخخ "
ما ابغي اتفلسف وايد و اطول الكلام لانه ماله داعي في مدونات و مواقع مختصه
في هالشي بس مجرد حبيت اشارككم بالمسلسلات اللي حبيتها
City Hunter - صياد المدينه
اتوقع كلكم شفتوه عشان مين هو صح ! اعترفوا 
المهم 99٪ من المسلسلات الكوريه رومنسيه حتى لو المسلسل حرب
هالمسلسل رومانسي ، سياسي على اكشن ♥♥♥
اول حلقه ممله وايد لانه بدايتها كانت فالماضي عشان تفهمون عن شو القصه انا صراحه طوفت نص الحلقه الاولى لانه مليت اذا بتطوفون الحلقه الاولى ع الاقل اقروا النبذه عن المسلسل عشان تعرفون السالفه و الشخصيات اللي فيه تقريبا اكثرهم شخصيات معروفين انه تمثيلهم قوي عاد تدرون اقوا شخصيتين كنت حابتنهم فالمسلسل مين هو و سانغ جونغ
معلومات عن الدراما و القصه و الابطال و الحلقات " هنا "
Healer - المعالج
هالمسلسل احسه مقارب لـ صياد المدينه !!
المسلسل نوعه : رومانسي ، كوميدي مع شويه تشويق خخخ
المسلسل جميييييل جدا ♥♥
احس الاجوما مسويييه جو فالمسلسل وايد حبيت دورها و ستايلها و اهم شي كشتها ♥
<< الفيس يسوي شرات حركاتها لما تسوي سيرج خخخ
معلومات عن الدراما و القصه و الابطال و الحلقات " هنا "
Blood - الدم
اول ماتشوفون البوستر اكيد بتقولون مثل ماقلت >> المسلسل اكيد سخيف
المسلسل نوعه : رومانسي ، طبي ، خيالي
فالبدايه حطيت في بالي انه المسلسل سخيف بس بالعكس وايييد حلو
حسيت فكره يديده انهم يتحولون مصاصين دماء عاد صدق البطل شكله غريب 
شوفوا نضارته هههههههه ! لمتد اديشن 
معلومات عن الدراما و القصه و الابطال و الحلقات " هنا "
Doctor Stranger - الطبيب الغريب
كل الممثلين اللي فيه معروفييين و اولهم منو !! جونغ سوك اكييد و الممثل بارك هي جين و كانغ سو را بعد من الممثلين اللي واااايد احب تمثيلهم و مثل ماقلت الممثلين كلهم معروفين يعني باختصار شدييد
المسلسل ناااجح
المسلسل نوعه : رومانسي ، طبي ، درامي
اكثر شي يجلط فالمسلسل البططله بس اذا تحبون باقي الشخصيات اكيد بتكلمونه
يعني مابتوقفون مسلسل كامل عشان شخصيه وحده ماحبيتوها بس فعلا فعلا تجلط
معلومات عن الدراما و القصه و الابطال و الحلقات " هنا "
في مسلسلات احلى بعد خصوصا هالسنه في وااايد مسلسلات حلوه ماتتطوف صراحه
كتبت التدوينه بدون تفكير خخخ ف اذا شفت مشاهدات تستاهل اكمل بكتب عن المسلسلات اللي شفتهم هالسنه وحبيتهم " اشوفـكم على خير "
0 comments:
Post a Comment