مفضلاتي لشهر 5 . .

بسم الله الرحمن الرحيم 

" مفضلاتي لشهر 5 اللي وعدتكم فيها " طبعا بما آني سويت مدونه هذا مايعني أني ما بنزل لكم اللي انزله بالمدونة على الانستغرام لان البعض يستصعب فتح المدونة ، ببتدي بأول منتج كان في لستتي للميك اب لشهر 5 " فاونديشن دولتشي اند قابانا 

                   

                Dolce & Gabbana Perfect Matte Liquid Foundation- spf20

طبعا انا من زمان كان بخاطري اجرب دولتشي اند قابانا المدح كان عليه مب طبيعي وبنفس الوقت ودي اجرب ايلامسكا لان أتوقع مافي حد ما جربه للحين كل ما ادخل على وحده مدحته آخر شي استقريت على دولتشي اند قابانا وأكيد راح اجرب ايلامسكا . . بس ترا لا يغركم ايلامسكا فالواقع حسيت حجمه صغير مب نفس ما أشوفه بالصور يبين كبير ( لبنات الامارات للي يبون ايلامسكا الماركه موجوده عندنا )

                      تلاقونه محلهم في مردف ستي سنتر و بعد في بلومنق دبي مول . . 

نرجع لموضوع حديثنا ،

 فاونديشن دولتشي اند قابانا في نوعين بنفس الشكل ف انتبهو قبل لاتخاذونه ..

 النوع الاول اللي بتكلم عنه "المات " اللي أهو يعني المطفي

 النوع الثاني "اللومينس " من اسمه أتوقع يناسب للبشره الجافه بس للأمانة ماجربته

الفاونديشن اللي جربته اللي أهو بير فكت مات أحلى فاونديشن جربته للبشره الدهنية و المختلطة صراحه عجيب عجيب في حماية من الشمس 20 الفاونديشن مطفي يعطي نهاية مخملية يناسب جونا الحار ترا يناسب البشره الجافه مب بس للبشره الدهنية و المختلطة بس يحتاج ترطيييييييب و الترطيب مهم لكل البشرات مب بس للبشره الجافه صراحه الفاونديشن حبيته من قلب خصوصا أني أحب اللوك المطفي لازم توزعينه بسرعه لان ينشف تغطيته فل كفر يعني البنات اللي عندهم اثار حبوب وغيره ماراح يحتاجون لمصحح و غيره ينفع للمناسبات الفاونديشن خفيف ع البشره ماحسيته نفس باقي الفاونديشنات اللي تحسينها ثقيلة ع للبشره . .

ملاحظه : اي فاونديشن تحطينه لازم تنظفين ويهج منه عدل عدل بقايا الفاونديشن على البشره تسبب ظهور الحبوب يعني اذا مالج خلق تنظفين ويهج من المكياج لاتحطين من الأساس !

مكان الشراء : سيفورا - دبي مول

السعر : ٢٧٠ درهم أتوقع مب متذكره كم بالضبط 

حبيته ولا : عشقته بعد عجييييب

بشتريه مره ثانيه ولا : اكييييد بس بشتري درجه افتح اضائة المحل خداعه خصوصا سيفورا دبي مول تبين لج الفاونديشن واو وكأنه مطابق لون بشرتج ويطلع اغمج ! :) 

concealer pro longwear














كونسيلر برو لونق وير تعبت وانا أدور عليه :/ 

فقدت الأمل أني ألاقي درجتي كل ما اروح ألاقي الدرجات الغامجه 

وبالصدفه ماكان عندي شي ببالي اخذه بس مريت وقعدت متنحه مادري 

شنو أخذ فقلت خل أسئل يمكن ألاقي درجتي 

مالقيت غير درجة NC25 وبعد غامجه :( بس خذيتها 




الكونسيلر وايد حبيته من ناحية الثبات و فل كفر و خفيف على البشره 

البنات اللي عندهم اثار يبون يغطونها ترا يصلح الكونسيلر 

لا تترسون ويهكم كونسيلر وتقولون انا قلت بس للأماكن اللي تحتااااج 



مكان الشراء:   ماك - دبي مول

السعر : ١١٠ درهم 

بشتريه مره ثانيه ؟  أكيد 

حبيته ؟  أكيدين p: أصلا لو علي أخذ ماك كله بيتنا XD 

Inglot Lipstick

من أحلى الأرواج المات اللي جربتها "يعورون القلب " بس للأسف ماعندي منها غير هذيل الثلاثه

البني من قبل عندي و الاثنين شريتهم من فتره 

على انهم مات لأكن ما يشققون الشفايف نفس باقي الماركات 

وفي كوليكشن كان ارواج يديد نازل بس ماخذيت منه شي 

و البنفسجي ترا ع البرونز جربته عجيييب

و ريحتم لذييييذه p;

الأرقام من اليمين 

420 , 419 , 417




مكان الشراء: انجلوت - دبي مول 

السعر : 75 

حبيتهم  ولا ؟ اكييد وبرجع اشتري منهم 





لوز باودر من ديور 














وأيد حبيته وخفيف جداً جميل لتثبيت الفاونديشن و الكونسيلر 

في منها ٣ درجات رقم ١ بلمعه رقم ٢ و ٣ مات 

تغطيته من ميديوم للخفيف 




السعر : ما أتذكر كم بالضبط بس تقريبا ٢٠٠ درهم وشويات 

مكان الشراء : سيفورا - دبي مول 










:( زعلانه على دقة الصور اختربو من البرنامج اللي حطيت فيه التوقيع من الايفون 

لان برنامج الفوتوشوب مب راضي يشتغل ع اللاب ف اضطريت اسويه ع الايفون :|




المووهييم حبايبي اتمنى يعني  استفدوا مني ولو شي بسيط . . 




;)



 ask

http://ask.fm/fofti_

instagram

fofti_

Leave a Comment Makeup