بسم الله الرحمن الرحيم
صبـاح / مسـاء . . الخير ،
؛ اتمنى تكونون في تمام الصحه و العافيه ؛
Healthy LifeStyle
..
من اجمل ما قرأت
نفسك هي الوحيدة التي ستبقى معك للأبد ..
هي التي وُلدت طفلة معك، وستشيخ معكِ، وستموت معك!
الصوره مالها علاقه بالموضوع =]
اللي خلاني اقرر اكتب هذي التدوينه لان احس مافي مدونات وايد توفر مثل هالمواضيع صراحه !!
او حتى تتعمق فيها بس اعرف كذا مدونه تكلموا عن مواضيع مهمه و مفيده بشكل كبيره
كل المواضيع المفيده اذا في مجال بحطها في تدوينه مستقله على ما اجمعهم لاني من فترات طويله يعني شفتهم بالنسبه للعرب اتكلم اما الاجانب في وايد
\ \
2015 قررت اني اغير نمط حياتي من ناحية تغير اكلي و دخلت الرياضه في حياتي
قبل اكلي كله فاست فود و مطاعم و ككاو يعني اكلي كان عباره عن دهون و سكر
طبعا ما انتبهت على نفسي وكان بالنسبه لي اني طبيعيه خخخ و زاد وزني بشكل كبير
اعترف اني شكثر سويت رجيمات و كنت اسوي رياضه فتره واقطع لاني ما اشوف نتيجه
اذا كان اللي تسوينه غلط اكيد مابتحصلين نتيجه
و بقولكم ليش ماشفت نتيجه عشان اللي يطيح بنفس اخطائي يتعلم
اول شي من ناحية الاكل . .
حتى لو اكلج كان صحي 100 ٪ بس كنتي تاكلين بكميات كبيره مابتضعفين
لان الاكل الصحي فيه سعرات حراريه مثل باقي الاكل
واحيانا تحطين ف بالج انج تاكلين صحي بس انتي مب يالسه تسوين هالشي
يعني من الاخطاء اللي كنت طايحه فيها اني اشرب عصاير !
و العصاير متروسه سكر و بعد ماقريت و سمعت وايد عن التغذيه و الصحه من ناس فاهمه
دايما يقولون " اكلوا الفاكهه ولا تشربونها " < هذا الافضل لكم يعني
اما عن الرياضه ف ماكان عندي جدول خاص ولا اعرف العضلات
ولا افرق بين انواع الرياضات و اكتشفت انه التمارين اللي كنا نتكاسل نسويها ايام المدرسه
جدا مفيده و مهمه بعد ماعرفت تأثيرها على كل عضله او على الجسم كامل
و اكتشفت انه عدد الجولات و التكرار جدا مهمه تخليج تركزين على العضله
اكثر اما العشوائيات ماتعطي نتيجه !
طبعا انا لا دكتوره ولا شي مجرد عندي معلومات اكتسبتها من خلال القراءه
ممكن احيانا تكون معلوماتي صحيحه ممكن خاطئه و حتى الدراسات
في الصحه و التغذيه كل يوم تطلع دراسات جديده
" فـ لاتعتمدون علي وايد "
درست فتره بسيطه عن التغذيه و الصحه معلومات عامه يعني مب اني تعمقت فالموضوع
لاكن فادتني بشكل كبير فـ لو في مجال انكم تدخلون دوره عن التغذيه و الصحه
جربوا تدخلون هذي الدوره بتعطيكم معلومات عامه عن التغذيه
طبعا ً . . انا مب ملتزمه بنظام صحي 100 ٪ لاني اعرف نفسي اني ما اقدر التزم
بهالنوعيه من الانظمه حالي حالكم احب اجرب الاشيا اليديده احب الاكل بعد مافي حد مايحب الاكل
ولـكن ؟ مب شرط اني اكل طول اليوم و كل يوم من المطاعم بس احاول كثر ما اقدر
اني آكل أكل نظيف تي فترات انجبر اني اكل من مطاعم لان مافي وقت ارد البيت و اتريا يخلص اكلي
و من هالكلام بس انا متأكده انه غيري يقدر يسويها او ياخذ وياه اكله
وفي ناس اساسا تعرف تطبخ ف حياتهم اسهل بوايد من اللي شراتي مايعرفون شي فالطبخ
انا بالنسبه لي الاكل الصحي جدا صعب الالتزام فيه اول شي لاني من الناس اللي ماياكلون كل شي
يعني في انواع وايد من الخضروات ماحبها ! صارلي يومين احاول اكل طماط لاكن مافي فايده خخخخ
مايدخل مزاجي وانا صراحه ابغي اتلذذ بالاكل مابا اكل شي مايعجبني
نحتسـي القهوه و نكمل موضوعنـا . . .
[ الرياضه]
الرياضه مهمه لو تلاحظون اغلب اللي اجسامهم رياضيه لو يلبسون خيشه يطلع عليهم
حلو بس تعالو شوفو اللي من كل صوب تبي تخش شي عشان لايبين !
و كل ماكانت الوحده اسمن تلبس اوسع عشان لايبين
سبق وقلت اني كنت اسوي رياضه و اوقف لاني ماكنت اشوف نتيجه و لاني كنت بسرعه امل انا من النوع الملول و اللي مافيني صبر على الشي
والرياضه تحتاج طولت بال كثر ماتقدرين طولي بالج وشدي على نفسج اذا تبين نتيجه
ولان كان ماعندي ادوات او اجهزه وغيره كنت اقول كيف بسوي هالتمرين وغيره بس ترا التمارين شكثر انواع و اشكال و تقدرين تسوين تمارين حتى بدون ادوات و بالنسبه لي استصعب سيرت النادي
و المنطقه اللي انا فيها اساسا مافيها نوادي على مستوى
و البعض يدفع اشتراك حق النادي و يسير يوم وخلاص مايكمل لان كل شخص
على حسب حياته و ظروفه
" افضل حل "
- اذا كانت امكانياتج ماتسمح تشتركين في نادي او تشترين اجهزه فالبيت وتشتغلين عليها
في تمارين وايد بدون اجهزه او ادوات تقدرين تسوينها فالبيت و بدون اجهزه
مجرد تكتبين تمارين و اسم العضله اللي تبين تمرنينها و تكتبين بدون ادوات
" leg workout without equipment "
مثل هالتمارين
جدا جدا مفييده هالتمارين انصحكم وبشده فيهم
لاتنسون عدد الجولات و التكرار
مثلا 3 جولات 15 تكرار اول شي تبدون بتكرار اقل وكل مره تزيدون
- اما اذا كانت امكانيتج بسيطه اشتري شوي شوي كل فتره اشتري شي معين و حتى لو شي بسيط
واساسا فالبدايه ماتحتاجين كل شي لان بعدج مب متعوده مع الايام بتتعلمين و الاداه اللي فعليا محتاجتنها اشتريها
. . .
هذي التدوينه كانت كلها محشوه كلام انا ادري انه البعض مايحب يقرا
بس حبيت اهيئكم للقسم اليديد اللي هو " lifestyle " لان الاجانب مب احسن منا خخخ
،
قبل لاتغير نفسك غير عاداتك و نمط حياتك قبل لاتسوي رياضه غير نوعية اكلك
انا نفسكم عادي تي فترات اشتهي خرابيط بس اكل وارجع عادي اكمل
وفالنهايه بعد كل هالكلام اللي قلته يمكن ماقريتوه كله خخخ
الإرادهـ
ثم
الإرادهـ
ثم
الإرادهـ
ثم
الاستمرار
ومافي شي يصير في يوم وليله
" لاتنسون تشتركون فالمدونه "
و مع السلامهـ
0 comments:
Post a Comment