E M P T I E S | | 6 | | منتجات خلصتها

بسم الله الرحمن الرحيم 

صبـاح / مسـاء . . الخير ،
اتمنى تكونون  في  تمام  الصحه و العافيه . .

 فالفتره الاخيره قمت وايد اسوي مواضيع منتجات خلصتها 

بس هالمره بيكون طويل نوعا ما
 . . 

- عطر angel only من فكتوريا سكرت . . احب عطور فكتوريا سكرت و من عشاق هالماركه بالذات
لان احس ريحتهم نظافه و انثويه اكثر 
- عطر Miss Dior Blooming Bouquet من العطور اللي اتعب وانا اقول فخمه وايد حبيتها و لاتنسون تجربون عطر الشعر بعد منها 
- عطر Hermes من العطور الجميله وريحتها ماعرف شو بس حلوه 

عطر من beauty cottage ماركه تايلنديه 

 ماعرف اوصف روايح العطور بس اهم شي ريحتها حلوه و هاديه 

طبعا الاذواق تختلف كل واحد و ذوقه حبيت المحل بس ماقدرت استكشف منتجاتهم دخلنا المجمع متأخر 
و كانو المحلات يسكرون و اغلبهم مسكرين بعد و كان اخر يوم لنا في تايلند 
المره اليايه بمر عليهم ان شاء الله استكشف  

Petit Perfume stick 
عطر بس نوعيته ستيك ينحط على مناطق النبض و ريحته جدا جمييل 
حجمه صغير و شكله كيوت معروفه المنتجات الكوريه دايما يتفننون بالشكل 
اسمه  love floral في منه روايح ثانيه
مكان الشراء : the face shop

versace bright crystal
عطر للتجربه من versace وايد حبيته رييحته حلوه و هاديه وصل مع طلبيتي من نوردستروم امريكا 
اسم العطر bright crystal 

هالمنتجين وايد تكملت عنهم و هذي اخر مره اتكلم عنهم بعد خلاص مليتو منهم اتوقع ههههههه 

- ريفرش بلس قطره للعين اللي يعانون من جفاف او يستخدمون العدسات و الاجهزه الالكترونيه وايد
احبها و من زمان استخدمها 
- اوبتي فري محلول للعدسات طبي و ابدا ما يأذي العين من زمان استخدمه و مرتاحه عليه 
مكان الشراء : الاثنين تحصلونهم فالصيدليه  

هالقطرتين بعد نفس الشي للجفاف و للي يستخدمون عدسات حلوين و استخدمهم من زمان 
مكان الشراء : الاثنين تحصلونهم فالصيدليه  

هالمنتجين تكلمت عنهم من قبل 
- ريفيو ماسك الككاو هنا
- ريفيو ماسك الطين هنا

من اليمين 
- ديودرنت فيتشي تكلمت عنه في مفضلاتي الاخيره هنا
- ديودرنت نيفيا ابدا ماناسبني ولا حبيته وخساره كل فلس دفعته عليه ريحته جدا جميله ولاكن ابدا ماحبيته 

من اليمين
- مزيل ميك اب بوتنيك من بوتس قوامه زيتي حبيته خصوصا للبشره الجافه 
- شور جل من بوتس ريحته فراوله جميل ولاكن مب ثابته مافيه شي مميز بس انا متعوده اخذه و بتشوفونه في اخر بوست مشترياتي من بوتس بعد ههههههه مادري ليش كل مره اخذه 

من اليمين 

- مرطب للعين قوامه جل ترطيبه اممم جدا عادي ماشفت فيه شي مميز 

- مقشر شفايف من elf طلبته من درق ستور واايد حلو وبديل رخيص للماركات الغاليه 

ماسكات planet spa من avon ماسكات حلوه و رخييصه بنفس الوقت
طبعا مفعوله مؤقت و ما اتذكر من وين و السعر 

من اليمين 

- كريم فازلين لليد و الأظافر ريحته مقبوله اللي اظافرها ضعيفه و بسرعه تتكسر بتحس بفرق انه يقوي الاظافر بس بمجرد ماتقطعينه ترجع الاظافر مثل قبل ترطيبه حلو بس في مرطبات افضل وايد

- ماسك للبشرات الدهنيه المعرضه لحب الشباب يساعد على التنظيف العميق للمسامات حلو لاكن مابرجع اشتريه 

متكلمه عنه من قبل بتفاصيل اكثر فالانستغرام 

من بوتس 

وخلصصصنا ماتتصورون كمية السعاده لان صارلي دهر افكر اكتب هالتدوينه 

Leave a Comment Care