إطلاق موقع " لايف ستايل" للتسوق الالكتروني

بسم الله الرحمن الرحيم 

صبـاح / مسـاء . . الخير ،
اتمنى تكونون بـ تمام الصحه و العافيه . .

 ( بختصر سبب الانقطاع خخخ ( انا كسسسسوله

 يبت لكم خبر جدا حلو للي حابين يعرفون عن هالخبر شوفوا التدوينه ، 

. . 

إطلاق موقع " لايف ستايل" للتسوق الالكتروني 

ططبعا اكيد كلكم تعرفون لايف ستايل و تحبونه و للي مايعرفون لازم نعرفهم عليه . . 

محلات لاند مارك . .  تضم ماركات متنوعه باسعار معقوله و منتجات متنوعه تلبي كل الاحتياجات 

محلاتهم متوفره بكل دول الخليج بس صراحه الموقع ما ادري اذا يخدم دول غير الامارات

صراحه اشوفها خطوه وايد حلوه الموقع يضم منتجات كثيره و متنوعه و صار سهل انج تطلبينه ويوصلج للبيت بدون لاتتعنين و تروحين للمحل وتقدرين تشوفين المنتجات على راحتج اكثر 

الموقع يضم 5 علامات تجاريه متنوعه ( لايف ستايل ، ماكس ، إي ماكس ، سبلاش و بيبي شوب ) 

 ( لايف ستايل )

من اهم اقسامه بالنسبه لي الميك اب وفيه 10 ماركات مثل ،، 

nyx , opi , deborah ,  maybelline . . إلخ تقدرون تجيكون على باقي الماركات من الموقع 

يضم بعد ،، اكسسوارات للبيت و عطور و جنط  

( بيبي شوب ) 

 مختص بكل شي خاص بالاطفال ملابس ، سراير و العاب 

( ماكس و سبلاش ) 

مختصين بالملابس للنساء و الرجال 

( إي ماكس ) 

الكترونيات .. هواتف ، تلفزيونات ، كمبيوترات كل الاجهزه تلاقونها 

طبعا كل الالكترونيات فيه ماركات معروفه مثل ابل و سامسونق و كانون . . إلخ 

" تجربتي معاهم "

انا طلبت السبت و وصلني الثلاثاء يعني اشوفه ماطول الطلب بسرعه وصل

و المندوب بعد ماتعبني مثل باقي الشركات اللي مليون مره يخليني ادليه البيت 

الكرتون مثل ماتشوفونه فوق فالصوره وصلني جذي مغلف 

تغليفهم عادي بسيط مافيه شي مميز طلبت للتجربه و اكيد برجع اطلب منهم 

اتمنى صراحه قسم الميك اب يضيفون له باقي ماركات الدرق ستور اللي موجوده بالمحل 

طريقة الدفع و كيفية استلام الطلب 

الطلب يوصلج للبيت تقدرين تدفعين عند الاستلام او عن طريق الماستر كارد او الفيزا 

كيفية التعامل مع شكرا كارد في الموقع 

تقدرين تشبكين شكرا كارد في حسابج بالموقع و تحصلين نقاط على كل عملية شراء

و تقدرين تستخدمين شكرا كارد مثل ماتستخدمينها فالمحل 

هذي الصفحه بتلقون فيها طريقة استخدام شكرا كارد 

http://www.landmarkshops.com/shukran/about-shukran

طلب كم شغله طبعا ما اعرف اصور ملابس ف ماله داعي خخخخ 

الشي الوحيد اللي طلبته من الميك اب هذا البتر قلوس من ان واي اكس كان ودي اجربه عجيييب حبيته حيل خفيف و طبيعي 

ينفع للطلعات السريعه و للصبح 

للي حابين يطلبون هذا موقعهم

http://www.landmarkshops.com/ 

. . . وبس هذا كان كل شي

 اذا عندكم اي استفسار كتبولي كومنت اهني او دزولي دايركت على الانستغرام 

Leave a Comment Others